دكتورمحمد فتحى
المشرف الذهبى
عدد المساهمات : 173
تاريخ التسجيل : 15/10/2010
العمر : 54
الموقع : السعودية
 | موضوع: الحب جواكى استحالة  الأربعاء 3 نوفمبر - 2:46:47 | |
| شعور سخيف انك تحس ان وطنك .. شيء ضعيف
صوتك ضعيف ... رأيك ضعيف
انك تبيع قلبك و جسمك ... و انك تبيع قلمك و اسمك .... ميجبوش حق الرغيف
سالوا جحا عن سر ضحكه
قالك أصل اتنين و شبكوا اللي كان من تحت ميت و اللي كان من فوق كفيف... ده شعور سخيف
و شعور سخيف انك تكون رمز الشحاتة ... تبني مبنى للشحاتة .. تعمل وزارة للشحاتة
.
.
.
يا ساقية دوري و عدي فوقي و دوسي
نصبوا علي و شحّتوني فلوسي
ربطوني فيكي حتى ما تغميت
هما اللي فرحوا وحدي انا تغميت
انا اللي صاحب البيت عايش بدون لزمة
ولما مرة شكيت ادوني بالجزمة
مش لاقى تطفح اديك
هاتوا لنا وجيبوا لنا وادونا ودونا
هنجيب منين نديك
مش لاقى تطفح اديك
طافح يا بلدى غدايا ولوعتى غدايا
وادى الأحبة التقوا واجمعوا عدايا
أنا اللى زرعك دهب بتأكلينى سباخ
ما ان كان ده تقل ودلع
بكفاية دلعك باخ
لا شفت فيك هنا ولا شفت فيك ترف
كل اللى فيك قرف
.
.
.
كرامتنا متهانة ... و اللقمة باهانة
بتخلفينا ليه لما انتي كرهانا ؟؟؟
يعنى أيه تبقى انت هبة النيل يا بوبة
وكل يوم المية تقطع
يعنى أيه لما اشتكى غلو الفاتورة
يقولوا تشكى بس تدفع
لما قش الرز ثروة بتتحرق
لما نفط الامة ثروة بتتسرق
و لما جلادك على ولادك بيبطش
ولما علمك ميلاقيش ياكل... فيطفش
يعني ايه نرفع ادينا بالسلام لجل للغزاة ؟؟
يعني ايه لما ابقى ماشي فحالي أنشد اشتباه ؟؟؟
يعني ايه لما اتحبس أربع سنين حبس احتياطي ... حبس اعتباطي ؟؟؟
يعني ايه مش حاسة بالعمر وغلاوته؟؟
بتصبي مر العمر ليه ؟؟؟ ... ده انا كنت هوهب لك حلاوته
.
.
.
.
أنا عمرى ما اتأمرت ولا حطيت شروطي
ومكان ما ترسي مركبك بابنى شطوطي
أنا كنت جيشك لما مماليكك باعوكى
وكنت يوسف لما عشت سنين عجاف
وضلوعى دى اللى فـ معركة قادش حموكى
وشفايفى دى اللى ما بطلتش فـ يوم هتاف
أنا كل شبر فـ أرضك اتمرمغت فيه
وكل يوم عشته أنا اتعذبت بيه
بتكلفينى عيونك السودا وأيامى اللى فاتت
ما نتش حبيبتى م النهارده
حبيبتى ماتت
مع صوت أدانك جرس فـ الشده صاحيينلك
من أمتى كانوا الحرس هم اللى باقيينلك
بعتيني عشانهم و عنيكي معصوبة
يا هلترى خاينة ولا زيي مغصوبة ؟؟؟؟؟؟؟؟
كل الكلام اتقال و الشعر بقى ماسخ
و الصبر بقى علو جبال و الظلم شيء راسخ
.
.
.
.
وطن وغرقان فـ النطاعة
كل شىء ريحته نطاعة
علمونا بالعصايه
ورضعونا الخوف رضاعة
علمونا فـ المدارس يعنى أيه كلمة قيام
علمونا نخاف من الناظر فيتمنع الكلام
علمونا ازاى نخاف وازاى نكش
بس نسيوا يعلمونا الاحترام
فمتزعلوش لما ابقى مش بسمع كلامكم
مستنى أيه من طفل ربوه بالزعاق غير المشاكل والخناق
كل اللي بيقولك بحبك دول نفاق
انا لما قلتلك بحبك كان نفاق
الحب يعني اثنين بيدوا
مش أيد بتبني و ستميت أيد يهدوا
الحب حالة ...الحب مش شعر و قوالة
الحب يعنى براح فـ قلب العاشقين للمعشوقين
يعني الغلابة يناموا في الليل دفيانين
الحب يعني جواب لكل المسجونين
هما ليه بقوا مسجونين؟؟؟
يعني اعيش علشان هدف علشان رسالة
يعني احس بقيمتي فيكي إنى مش عايش عوالة
يعني لما اعرق تكافئيني بعدالة
الحب حالة... الحب مش شعر و قوالة
الحب حاجة متتوجدش فوسط ناس بتجيب غداها من صناديق الزبالة
الحب جواكي ... استحالة | |
|
