أبو العـُــــريف

يا بـــو العـــريف

يابو العريف ..... يا بو دم خفيف
بتجيب فى كلام ... مقطوف تقطيف

مليون موضوع .... ونازل مفجوع
على ميت مخدوع .....ربط وتكتيف

فى سياسه ودين ..... محلا التسخين
على ناس مساكين ... ناقصه التعليف

استاذ تشكيك ...... فى كلام بوليتيك
وحياة والديك ...... ما بلاش تخريف

فى ( العيا ) دكتور... وعلاج مسحور
والعده ساطور .......... تنزل تخطيف

فى الكوره كمان ......... فشر الألمان
والكوره اجوان ....... لكن إنت عفيف

فى الفن كمان .......... تعزف ألحــان
زى الدبــــان .........عايزه التكييــــف

يابو العــــريف .... يابـــو دم ظريف

بصراحه يا لطيف ...... مخك يا حفيظ
عايز سنفــــــــره ...... وكمان تنضيف

يا بــــــو العريــف
---
شعر / كمال العطيوى