الجحش والحنطور احمد فؤاد نجم

الجحش قال للخمار *** يابا اديني الحنطور
يابا انت سنك كبر*** و وجب عليا الدور
كح الخمار كحة *** فزعت لها الركاب
مش يابني بالصحة *** ده كل شئ بحساب
وسواقة الحنطور *** محتاجة حد حكيم..
.وانت عينيك فارغة *** همك علي البرسيم
قوللي تسوق ازاي *** والتبن مالي عينيك
ده حتي حبل اللجام *** واسع يا ابني عليك
اعقل وبطل طمع *** لاتسخن الركاب
ما تجيش يا واد جنبهم *** لاتبقي ليلة هباب
دول صنف ناس جبار *** قادر مالوهش امان
يبان عليهم وهن *** لكنهم فرسان
يابا دا نومهم تقل *** وبقاله يابا سنين
كل البشر صحصحوا *** ولسه دول نايمين
يا جحش بطل هبل *** وبلاش تعيش مغرور
ركابنا مش اغبيا *** ولا عضمهم مكسور
بكرة حيصحولك *** ويزلزلوا الحنطور
وتلاقي في قفاك *** تمانين خازوق محشور

الله عليك ياطارق قصيدة جميله قراتها من اسبوع وهى قصيدة فيها اسقاطات كتيير جدا ومعنى بعيد يقصدة احمد فواد نجم شكرا طارق شكر كبييييير

» ..... الست احمد فؤاد نجم
» هما مين و إحنا مين ...احمد فؤاد نجم
» اخر قصائد احمد فؤاد نجم
» عشان انت مصري _ احمد فؤاد نجم
» نرحب بالعضو احمد فؤاد هاشم