حمله من شباب سيدى سالم لكشف الفساد والرشوه والمحسوبيه فى البلد

عضو عدد المساهمات : 31 تاريخ التسجيل : 31/12/2010

اذا كنت بتحب البلد دى صحيح احميها ودافع عنها وخد حقك من اللى يستغلك مهما كلفك الامر
عايزين نكون ايجابيين

لكل اعضاء منتدى سيدى سالم

لو عايزين المنتدى ده يكون له دور فى ارتقاء بلدنا وكل واحد فى بلدنا ياخد حقه فيها بدون واسطه ولا رشوه
ولا حد يقوللك فين الحلاوه يا استاذ ولا هات الشاى بتاعى

انا عندى فكره وانا متاكد لو ساعدتونى هتنجح وكل الناس هتعملنا الف حساب

الفكره كالاتى

كل واحد فينا اكيد حصل له موقف استفذه فى (السجل المدنى او فى مركز الشرطه او من مخبر او عسكرى فى المرور او من مفتش تموين او من موظف فى مجلس المدينه او دكتور فى مستشفى سيدى سالم العام او ادارى فيها او مامور ضرائب او موظف فى التامينات او فى المحكمه او مدرس او حتى مع عضو مجلس الشعب

انا كل اللى عايزه ان كل واحد حصله موقف يحكى ويفضح الفاسدين ويقول وجهه نظره
على المنتدى وكل اعضاء المتدى يقولو رايهم

عضو عدد المساهمات : 31 تاريخ التسجيل : 25/11/2010

انت نسيت تذكر الادارة التعليمية
فهي الفساد كله
اذا اردت ان تفتش عن الفساد والرشوة والمحسوبية ...فهي الادارة التعليمية
بها كل اصناف الفساد
وانظر كيف تم توزيع المديريين الجدد علي المدارس في العام الماضي
ولما لا وهذا الرجل ونائبة علي راس الادارة بالرشوة والكوسة والمحسوبية
وسوف اوافيكم بالتفاصيل المخجلة

أرجوك ماتحسبوش سلبي .. الرد أقصد...
( هين قرشك ولاتهين نفسك ) ..
دي مش قضية سيدي سالم بس دا مجتمع مصر بالكامل

عضو عدد المساهمات : 2 تاريخ التسجيل : 14/01/2011

تحياتي لك يا باشمهندس وأحييك على المبادره الجريئه دي .

اخى الفاضل المهندس : محمد طلبة
اثرت شجونى لاثارتك لهذا الموضوع الحيوى واالهام
لقد وصل الفساد الى الركب يا سيدى
فإذا تحدثنا عن الفساد وما يتعرض له الانسان عند قضاء مصلحة ما
يجد العجب وما هو أشد من العجب
ولكن عندما يتعرض الانسان للفساد والمفسدين لايتسع هذا المنتدى لذكرها
ولكن لى استفسار من السادة أعضاء المنتدى
كيف نقضى على الفساد ؟
وما هى الطرق الفعالة للقضاء على الفساد
وما هو الاجراء القانونى المتبع إذا وجدت قضية فساد
وهل يجدى التبليغ عن هذه القضايا

فعلا ا/محمد طلبة هو دة اللى لازم يحصل

حمله من شباب سيدى سالم لكشف الفساد والرشوه والمحسوبيه فى البلد 885602774

عضو عدد المساهمات : 31 تاريخ التسجيل : 31/12/2010

كنت عند صديق لى محامى فى مكتبه ودخل علينا مخبر يعمل فى مركز شرطه سيدى سالم
المخبر قال لصديقى المحامى .............خلاص مسكنا صاحبك ..........المحامى فرح ....واعطى المخبر خمسين جنيه
رفض المخبر المبلغ وطلب ميه جنيه وقال للمحامى حرام عليك ده شغل وعرقى واللهى انا قبضت عليه بس عشان معزتك عندى
مكنتش اعرف انك مش هتقدرنى كده و حكاله قصه القبض على المتهم وازاى انه وجه مسار الحمله لبيت المتهم

فهمت من سياق الكلام ان المتهم كان عليه حكم فى قضيه شيك وهارب وان صديقى المحامى هو محامى الخصم

حسيت ان المخبر بيطلب حقه بجد وكأن مش هى دى وظيفته انه يقبض على المتهمين
وفهمت من صديقى المحامى ان المخبر لو المتهم اعطاه فلوس المخبر هيتصل بيه قبل ما الحمله توصله ويعرفه ان الحمله هتجيله
وان المحامى الشاطر هو اللى يدفع فلوس للمخبرين عشان يقبضو على المتهمين اللى يعمل ضدهم او مايقبضوش عل المتهمين اللى بيترافع عنهم

وهل هذا السلوك من المحامى صحيح ؟؟؟؟؟؟؟؟؟
بهذه التصرفات المحامى يساعد على زيادة الفساد
لابد من الضرب بعصا من حديد على كل المخالفين

الأخ الفاضل الباشمهندس/ محمد طلبة

تحية لك علي هذا الموضوع والذي يمس جميع مؤسساتنا، بل لا أكون مغاليا

أن قلت أنه مس أيضا رجال الجلسات العرفية التي تحكم بين المتخاصمين.

ولكن هل بالطريقة التي تكلمت بها عن صاحبك المحامي والمخبر، نستطيع

أن نقضي علي هذا النوع من الفساد.أظن لالالالالالالالا

فالأهم من كشف الفساد ، كيفية القضاء عليه. فإذا أنت ذكرت أسم المحامي

وأسم المخبر، أقول لك أنك بدأت أولي خطوات القضاء علي هذا النوع من

الفساد والمنتشر بشكل فظيع الأن والكل يعلم به.

واليوم كنا في نفس المشكلة ، شكاوي كيديه والشاكي ياباشمهندس هو أيضا اللي أعطي

للمخبر فلوس ليأخذ المشكو في حقه، وبيت ليلة في السجن ثم خرج.

فيجب أولا أن نتعلم طرق وأساليب القضاء علي ظاهرة الفساد، وكيف أتعامل مع الشخص

الفاسد أيا كان منصبه.

اشكرك أ/ محمد على هذا الموضوع

اولا :

ا
يا جماعة احنا عندنا كتير اوى من الناس لايعرفون معنى الفساد

والاهم من القضاء على الفساد معرفة ما هو الفساد اصلا

يعنى توعية الناس

ثانيآ :

ظاهرة الرشوة دى بقت طبيعية جدا
لو انت فى مصلحة حكومية مثلا
وخلصت ورقك لو مدفعتش الى معاك يقول عليك معفن
سورى فاللفظ يعنى

قصة:
غريبة:

مرة واحد مخبر كان عندنا فى الشارع
عشان واحد اتعمل فى بلاغ من واحد

لما وصل لبيت المبلغ عنه
اخذ 10 جنية ومشى وقال فى المركز غير موجود

قابل صاحب المحضر المخبر فقال له اذهب بس هاتو
ثم اعطى له 20 جنية

فذهب المخبر مرة اخرى للرجل للمبلغ عنه
فاعطى له 50 جنية ثم قال له قولهم انى مش موجود

ولم يحضر هذا الرجل الى المركز حتى تم عمل حملة وذهبو الى بيتة
فاتو به

وهكذا امال المخبرين ياكلو لحمة اذاى

نتحدث كثيراً عن فساد السلطة وعن النهب والسلب وأهدار كرامة المواطن " على وجه الخصوص في شبوة كفر الشيخ
حمله من شباب سيدى سالم لكشف الفساد والرشوه والمحسوبيه فى البلد FasadTTTTT

حمله من شباب سيدى سالم لكشف الفساد والرشوه والمحسوبيه فى البلد FasadTTTTT

عضو عدد المساهمات : 31 تاريخ التسجيل : 31/12/2010

سؤال برىء
الافتات المضيئه العملاقه لصور الريس فى مركز سيدى سالم
فى مدخل البلد وعند موقف كفر الشيخ وعند حديقه العائلات
ياترا الريس هو اللى امر بيها وكلفت كام الصور دى
ودعوه لشباب سيدى سالم لعمل صوره مضيئه عملاقه للريس بالجهود الذاتيه عند مدخل سيدى سالم من ناحيه موقف دمرو

مهندس / محمد طلبه ، أين ردك أولا علي تعليقات الأعضاء علي الموضوع

بصفتك صاحب الموضوع؟

بالنسبة للافتات المضيئة العملاقة للرئيس، كلها إهداءات، اللي في مدخل البلد

وعلي فكرة وقع نصفها، إهداء من مجلس المدينة، واللي عند الحزب إهداء من

الحاج ماهر المصري، واللي عند حديقة العائلات إهداء من محل موبليا.

وكلها مصالح وجذب للأنتباه. أما الشباب !!!!!!!!!!!!!!!!!!!

عضو عدد المساهمات : 31 تاريخ التسجيل : 31/12/2010

اولا تحيه للدكتور اسلام كمال الرجل الخلوق
وتحيه لكم جميعا

بالنسبه للاستاذ طلال
اول خطوه فى للقضاء على الفساد فى سيدى سالم هى فضح الفساد
ولكن بالادله وبالشهود فى حاله ذكر اسم المرتشى او الموظف الفاسد
او ان تحكى القصه كامله بدون ذكر اسماء فى حاله عدم وجود ادله او شهود

ثالثا بالنسبه لصور الرئيس وانها اهداءات من بعض المنافقين واصحاب المصالح فى سيدى سالم
هذا افضل من ان تكون من مجلس المدينه ومن ميزانيه المركز
كنت اظن انها من ميزانيه المركز

عضو عدد المساهمات : 31 تاريخ التسجيل : 31/12/2010

المنافقين واصحاب المصالح

فى انتخابات مجاس الشعب للدوره الماضيه حضرت مؤتمر للمرشح عن الحزب الوطنى فى ذلك الوقت
على ابو احمد وكان هذا المؤتمر فى دار المناسبات فى قريه ابو احمد
كان يحضر بهذا المؤتمر امين الحزب الوطنى لمحافظه كفر الشيخ د/محمد عبد الهادى والدكتور صلاح الشاذلى

لم اكن احضر هذا المؤتمر حبا فى المرشح على ابو احمد لانى فى هذه الانتخابات انتخبت المرشح المستقل حسام حسن سلامه

استمعت من د/محمد عبد الهادى لايات فى حب الحزب الوطنى والسيد الرئيس والانجازات الرهيبه التى تمت من الحزب
واوضاع القرى قبل ثلاثين عاما واحوال المياه والطرق والصرف الصحى الخ

استمعت بعد ذلك لفاصل من التخلف السياسى من العضو المرشح فى مدح الحزب والنظام
ذكرت كلمه النظام فى هذا المؤتمر اكثر من عشرين مره
اذكر بعض الجمل اللتى قالها المرشح مثل
الريس ده كبيرنا واللى مالوش كبير بيشتريله كبير

اتمنى ان اعيش لان ارى عضوا لمجلس الشعب لدائره سيدى سالم
له فكر سياسى ومثقف وله كاريزما ويجابه الحكومه باستجوابات وطلبات الاحاطه
ويصارع من اجل البلد

عضو عدد المساهمات : 6 تاريخ التسجيل : 18/12/2010

يا مهندس الدكتور محمد عقل كان له فكر سياسى ومثقف وله كاريزما ويجابه الحكومه باستجوابات وطلبات الاحاطه
ويصارع من اجل البلد

عضو عدد المساهمات : 31 تاريخ التسجيل : 31/12/2010

اولا محمد يحى عقل ليس له فكر سياسى بدليل انه اترشح مستقل ولما نجح انضم للحزب الوطنى فى الدوره الماضيه
واول ما انضم للحزب كانت مكافئته مئات الافدنه على الطريق الدولى بين برج العرب ومطروح

ولم يشارك فى اى قضيه مهمه اثارها الاعضاء المحترمين فى المجلس فى الدوره الماضيه
امثال النائب مصطفى بكرى وحمدين صباحى
فى قضايا مهمه مثل القمح المسرطن و امداد الغاز لاسرائيل

بالعكس كان عضو مستانس وليس له انياب وساهم مع الحزب الوطنى فى امداد قانون الطوارىء
كان دكتور فى التسقيف لما يتحدث وزير او يرفع ايده فى اى قرار حسب اوامر الحزب الوطنى
وبصراحه انا مش شايفله اى بصمه فى البلد من ساعه ما مسك لحد ما ساب المجلس

عضو عدد المساهمات : 31 تاريخ التسجيل : 31/12/2010

اللى عايز يرتاح من النظام كله من الرئيس والحزب الوطنى ومجلس الشعب والشورى والحكومه

يتزل الشارع يوم 25 يناير

الاجابه ... تونس

ربنا يستر بس هينفع يوم 25 يحصل اي تغير انا عندي احساس ان الناس هتفكر 100 مره قبل ماينزلو واكيد الرد هيكون من الداخليه جامد جدا

ربنا يستر

بس ناخد بالنا

نفسى ارد بس خايف الكل يزعل منى ويتهمونى بالوطنيه

يااااااااااه فينك يا أستاذ عبدالله ،ولما تنورنا تبخل علينا كمان بالرد.

فإذا رديت وتكلمت ستكون متهم بالوطنية.

وإذا لم ترد وبخلت علينا بما لديك من مخزون معرفي

ستتهم بـــــــــــــــــــــــــــــــــــــــــــــــ!!!!!!!!!!!!!!!!

فأيهما أفضل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عضو عدد المساهمات : 31 تاريخ التسجيل : 31/12/2010

انتفاضه 25 يناير يوم الثلاثاء

علشان كرامتنا علشان بلدنا علشان نبقى بشر زي الناس في اي حتة في العالم علشان نعاقب المخطئ و الفاسد علشان ولادك
علشان ما تضربش على قفاك علشان دينك
علشان يبقى لينا حجة و نقول عملنا اللي علينا

افتح هذا الرابط bit.ly/Egypt25 كل ما تريد أن تعرفه عن مظاهرات ثورة يوم 25

الاماكن المواعيد الهتافات التليفونات

عضو عدد المساهمات : 31 تاريخ التسجيل : 31/12/2010

بحبك يااااااااااااااااااااااااااااااااا مصـــــــــــــــــــــــــــــــــــــــر

مهندس محمد طلبه
فينك ياراجل من فترة لم نرى مساهمتك او تعليقاتك
ارسلت لك رساله خاصة والظاهر انك لم تقرأها
اتصل بى 00966504693490
ولك شكرى وتحياتى

من اجل مصر ومن اجل بلدى سيدى سالم ممكن ننشر الجانب الايجابى
اذا كنت مثلا فى مجلس المدينة وتقدمت بطلب وتم انهائة بصورة طبيعية وبدون اى رشوة ممكن تقول علية ولو كنت فى السجل المدنى او اى مكان ...
ونتخذ من المواقف الايجابية عنوان لمدينة ومركز سيدى سالم
اتمنى ان اشاهد ارائكم فى هذا المقترح

عضو عدد المساهمات : 54 تاريخ التسجيل : 13/02/2011

ياأستاذ محمد رزق المحامى
أولا يعلم الله مدى حبى وتقديرى لك وللآكثر أعضاء هذا المنتدى من الشرفاء
ولاكن ياأستاذى الفاضل ردك لايصح أن يخرج من لسان إنسان بدرجة تعليمك ومكانتك كمحامى
ياأستاذى الفاضل : -
من أجل مصر وبلدى سيدى سالم كما قلت لايجب أن نضع أيدينا على الاجابيات
بل يجب أن نضع أيدينا على السلبيات قبل الاجابيات
من أجل مصر وبلدى سيدى سالم ياأستاذ محمد يجب أن نضع أيدينا على أخطأنا
يجب أن نضع أيدينا على مساوئنا ونحاول تصحيح الخطأ عندنا لاأن نهرب منه كما تريد
ونبحث فقط عن الاجابيات
أنت تريدينا مثل النعام ياأستاذى الفاضل
إذا أحسسنا بالخطر نضع وجوهنا فى التراب
وأظن أن هذا ماكان يريد صاحب الموضوع الاصلى المهندس محمد طلبه أن نصل له
أن نحارب الفساد لا أن نعطيه ظهورنا
وأسف إذا كنت وضحت أو قلت رأى بطريقه ممكن أن تغضب أحد

عضو عدد المساهمات : 114 تاريخ التسجيل : 24/12/2009

حمله من شباب سيدى سالم لكشف الفساد والرشوه والمحسوبيه فى البلد B56b679f785dc3ca3be0167d3e4f2af0

كن ايجابيا وشارك فى فضح الفساد والرشوة والمحسوبية

» دعوة الى شباب سيدى سالم
» بيان ائتلاف شباب سيدى سالم رقم 2
» بيان ائتلاف شباب سيدى سالم رقم 3
» بيان ائتلاف شباب سيدى سالم رقم 4
» بيان ائتلاف شباب سيدى سالم رقم 1