ومعدتش .. خايف

ومعدتش خايف ... ولا هايب

متشعبط ... فى الحبل الدايب

ولا هسمح ... للظلم السايب

يطبق على نفسى ... من تانى

انا خدت قرارى ... ومش راجع

ولا هقفل ... على قلبى مواجع

ورموز الغدر ... هتتراجع

وانا هفضل... ثابت فى مكانى

اروحنا ... وهانت علشانك

ليعود لك ... يا مصر مكانك

ولا هرضى تانى ... بهوانك

وميدان التحرير ... بقى ميدانى

--------------------------- بقلمى

جميله الكلامات واحساس رائع ومجهود ملحوظ تسلمي عليه شاعرتنا الجميله

رائعة تضاف الى روائعك التى أتحفتى بهذا منتدى سيدى سالم
سلمتى وسلم حسك الشعرى الرائع

الأستاذ ... محمد صبحى
اشرف بمرور حضرتك
وشكرا على تعليقك ..
عادا ما تكون الكتابه من اجل الوطن نابعه
من الأحساس به والخوف عليه فتخرج الكلمات
ببساطه .. واحيانا بلا اى مجهود يذكر
تحياتى لك .. ودمت بخير

الأستاذ ... هانى سليمان
اسعدنى مرورك الطيب
وشكرا على جميل كلماتك
تقبل تحياتى ودمت بخير

تسلم الايادى

شكرا لك الاستاذة العظيمة والشاعرة الموهوبة : فاطمه حمزة
فعلا لو سلك كل إنسان هذا السلوك سوف نبنى مصر من جديد
فعلا لو سلك كل إنسان هذا السلوك لن يكون هناك مكان لظالم
فعلا لو سلك كل إنسان هذا السلوك لن يكون هناك مكان لصاحب خطيئة
( قد يخطىء الانسان ولكن إذا أستمر فى هذا الخطأ يتحول هذا الخطأ إلى خطيئة وإذا تمادى تحولت الخطيئة الى فساد كبير )

شكرا استاذ .. محمد جمال
سعدت بمرورك
وتشجيعك المحفز
ودمت بكل الخير

الأستاذ ... محمد ابو الفتوح
اعتقد ان الحدث ربما كان اكبر من ان
يستوعبه الناس والمفاجأه افقدت البعض
التركيز خاصه لمن كان يجهل طبيعه السياسه
فى مصر .. فالكل كان يلهث وراء لقمه العيش
وانشغل بها ولم ينتبه لحجم التجاوزات المرعبه
للنظام .. سنأخذ حتما وقتا ليس قصيرا لنعيد
ترتيب البيت المصرى من جديد
تحياتى لمرورك وتعليقك الطيب
ودمت بخير

الأستاذ محمد الشاذلى
ربنا يبارك فى حضرتك
وشكرا لمرورك
تحياتى ... ودمت بخير