مشروعات وخدمات بقرى مركز ومدينة سيدى سالم

بسم الله الرحمن الرحيم

** اخدنا الحديث عن المركز الرئيسى ولم نتحدث عن القرى التى يضمها المركز وما فيها من مشروعات واعمال
هناك العديد من الخدمات التى تمت بقرى بسيدى سالم وتشمل خدمات الرصف - الصحة - وخفض المنسوب - ومحطات المياه - والانارة العامة
اولاً _ تم رصف العديد من الطرق ومداخل القرى وعلى سبيل المثال
1- رصف بقرية بقرية الورق وذلك القيام برصف طريق احمد سليمان - تيدا
2- رصف طريق كفر تيدة وايضاً استكمال رصف طريق الصالحات
2- رصف شوارع داخلية بمنطقة الفقهاء القبلية
3- رصف بقرية منشأة عباس ( مدخل شالما - مدخل ابو جاسر - طريق الزوايدة باعتماد مالى وقدرة 240000جنية )
4- رصف مدخل الشخلوبه - مدخل فدان الفقى - شارع المسجد الجديد بالبلاصى ( اعتماد 262000جنية )
5- رصف الشوارع الداخلية بأبو غنيمة والغنايمة ( 800000جنية )
** والعديد من القرى وماخلها

هذه صور لبعض الطرق التى تم رصفها

مشكورة يا بسمة على المجهود الرائع تستحقى لقب رمانة ميزان المنتدى
بس يا ريت صور وسط البلد يا ريت تكون جديدة

شكرا على المجهود اللى انتى بتعملية يا استاذة بسمه
واتمنى ان ارى محطة لتحلله المياه فى القرى وان تتوفر كميات مياه لاهل الشخلوبة ولا انتى مش عارفى الجردل بتباع المياه وصل سعرة كام
ومحطه كهرباء ووحده طبية صغيور ويكون فية باليل دكتوروممرض وما نسال على الدكتور الاقية مش فى مشوار هو نايم طبعا فهمانى
اختى بسمه الحياه مش رصف وبس الحياه رغيف عيش كويس مش الدقيق بيتاع الفرن يخرج بليل لكمون وميه نظيفة وعلاج متوفر وطبيب معالج والله الناس مش عاوزة اكتر من كدة لو فية الحجات دى تبقى البلد كويسة

شكرا ياانسة بسمة على مجهودك ولكن القرى تحتاج اكثر رعاية
وعلى فكرة فى طريق بالغنامين يؤدى الى المقابر بعزبة (جيعة)لاتتصورى كم المعاناة التى يعانيها
يعانيها اهالى الغنامين فى دفن موتاهم فى الشتاء
ارجوا من السادة المسئولين عن رصف الطرق بنظرة الى هذا
الطريق راافة بالاهالى وبالموتى

الى الاخوة اللى بيقولوا ان مشروعات داخل المركز هى فين المشروعات انا مسمعتش ان فية مصنع كبير اتعمل فى سيدى سالم وحد من موضوع البطالة ولااى مصلحة خدمية تخدم الشباب بدل المقاهى والعمايل السودا اللى احنا شايفينها اليومين دول

الاستاذ طلاللكم
امر السيد المحافط بانشاء اربع مصانع جديدة فى سيدى سالم وسيتم العمل فيهم بعد 150سنه اطال الله عمرك وتكلفه هذة المصانع 000000000000001 جنيه حتى اسائل كاتبه الموضوع
هيه عارفه مكانهم فين

السلام عليكم
الاخت الكريمة بسمه توضح الصورة المشرقة بالبلد ونشكرها على هذا ...
اما بالنسبة للزملاء الأعضاء فأتمنى أن لا يأخذوا هذا على محمل المزاح
فليست سيدى سالم وحدها المليئة بالمشاكل ولكن كل بلاد مصر
شكرا اخت بسمه على معلوماتك التى تضعيها بالمنتدى
ثم من اين كنا سنستقى هذه المعلومات دون ان نشاهد الصور أو نقرأ ماتكتبه ؟
كل تحياتى لك
واتمنى لك المزيد من الرقى
وياريت نأخذ الأمور على محمل الجد شويه يا جماعة !!!

السلام عليكم ورحمة الله وبركاته

الاخوة الاعضاء اللى بيقول فين المصنع واللى بيتريق واضح انكوا موش عايشين فى البلد والبعض مصصم على اظهار البلد بالصورة السيئة ولكن انزلوا البلد كدة وصوروها وانشروا الصور وبلاش كلام من غير دليل وياريت يكون فيه طريقة حوار ومناقشة افضل من ذلك والا كدة للاسف موش هنوصل لاى شىء

هذه صور لبعض المناطق داخل مركز ومدينة سيدى سالم ومنها ايضا شارع 23 يوليو وهذا يعتبر الشارع الرئيسى اللى الان يتم اعادة رصفة واتمنى ان الصور تبين الحقائق الموجودة بالبلد واتمنى ان كل الاعضاء تأخد الموضوع بجدية اكثر من ذلك

هلا والله بالاستاذة المشرفة الموقرة
احب ان اضيف ان قرى سيدى سالم وخاصة قرية تيدا بالتحديد لم تتلقى اى اهتمام من السادة المسؤولين عن مشاريع رصف الطرق فمنذ شهرين جاء المسؤولون الى قريتنا العامرة وتم منهم فى مدخل القرية ازالة الرصيف القديم الذى كان بعرض تسعة امتار وتم وضع (دبش وسن )جديد على مسافة ثلاثة امتار عرض
اود ان اسأل سؤال اذا كان السادة المسؤولين كانو يعلمون ان الاسفلت سوف يكون بعرض ثلاثة امتار فى مدخل القرية !!!!!!!!!!!
فلماذا تم ازالة الاسفلت القديم الذى كان عرضه يزيد على تسعة امتار ؟؟؟؟؟؟؟؟
ارجو الرد السريع واتخاذ اللازم ان كان فى مقدوركم
اخوكم محمد عزت شاهين من سكان قرية تيدا

ارجو الرد على استفسارى
وشكرا جزيلا

الله الموفق