هموم طفلة!!!!!!

نورهان طفلة بالصف الثاني الابتدائي
بابا هو عمو (.......)وهو في المجلس بيشوف رئيسنا حسني مبارك
أيوه يا نور، طيب يابابا أنا عايزة أبقي زي عمو(....) واروح المجلس
هههههههه، ليه يا نور عشان أقول لعمو حسني ، رئيسنا يابابا، علي الميه
اللي بتقطع في شقتنا كل يوم، وعلي المستشفي يابابا دا فيه ناس عماله كل
يوم بتكسر فيها أنا بشوفهم يابابا وأنا معديه رايحه مدرستي، والست اللي بتمسح البلاط موش
بتمسحه حلو. دا كله يا نور
دا أنا ها أقوله كمان يابابا علي الأبلة(......) اللي بتضربنا علي ضهر أيدينا
أنت عارف يابابا زميلتي إسراء اللي قاعده جانبي بتقولي تعالي معاي عند المستر(....)
في شقته بيدرس لنا هناك عشان نبقي شاطرين بس يا نور بياخد فلوس، مش كده يبقي
حرام عليه يابابا ، دا أنا ها أقول لعمو حسني عليه رئيسنا يابابا.
أنت فاكر يابابا لما التوك توك وقع بينا علي جنبه في الشارع ههههههههههه
أنت عارف ليه يابابا عشان موش مسفل حلو دا كله مكسر. هما ها يصلحوه أمته يابابا؟
وكمان ها أقوله علي العيش الوحش اللي أنا جبته النهارده من الفرن (أبقي هات لي معاك عيش
فينو يابابا لما تنزل)
وها أقول له كمان يابابا علي الطريق اللي نازل علي عزبتنا عشان يتسفل حلو ونعرف نروح العزبة في الشتاء
أنت عارف يابابا المستشفي اللي في العزبه فاضيه ومفيهاش دكتور ولا ممرضات زي هنا في سيدي سالم،
أمال هما عاملنها ليه يابابا ؟
كفاية يا نور ، ها توديني مجلس الشعب عشان أقول لعمو حسني ، موش هو رئيسنا ويعملنا كل حاجه
ههههههههه بس أنت لسه صغيره يا نور ، لما يبقي عندي كام سنه كده يابابا؟
لما يبقي عمرك 30 سنه . وأنا عمري كام دلوقت ؟ 7 سنوات.
طيب أنا ها أقوم أكتب الحاجات دي في ورقة عشان ما أنسهاش ، ولما أروح المجلس أبقي أوريها
لعمو حســـــــــــــــــني مــــــــــــــــــــــــبارك

علي فكرة يابابا أنا نسيت حاجة كمان
أيه تاني يانور؟
هي ماما موش متعلمه زيك ؟ أيوه يا نور، طيب ليه موش بتشتغل زيك
وعمه(.... ) اللي بيجي عندك هنا كتير وزعلان ونفسه يشتغل.
مفيش شغل يا نور!!!
أنت عارف يابابا أنا لما أروح مجلس الشعب زي عمو(.....) كده ها أشغل
ماما الأول، وبعدين عمو(......)
هههههههههههههههههههههههههههههههههههههههههههههه

الله اعلم يانور انتى وهادى مستقبلكم هيكون شكلة اية
اذا كان دا حالنا الان
فماذا سيكون حالكم بعد 30 عاما
يارب يجعل ايامكم احسن من الايام الا بنعشها
امين يارب العالمين

» هموم .......... الوطن لكل المصرين
» طفلة تبكى الآقصى
» مصرع طفلة بالتعذيب على يد زوج والدتها
» مصرع طفلة صدمها قطار فى كفر الشيخ
» القاء طفلة تركية لقصة حياة الرسول