من تختار في مقعد الفئات؟

والله ياعزيزى المقعد صعب اوى على الدكتور محمد عقل بعد مفقد مصدقيتة

انا اعطى صوتى للدكتور محمد يحى لانى بين اختيارين اما الدكتور محمد و العميد سيد احمد ولانى لا احب رجال البوليس من تعاليهم وتكبرهم فا اختار رجل العلم كفاية انة دكتور فى الجامعة ورجل علم

مرحبا ثانيا وثالثا بالدكتور صاحب الانجازات محمد يحى عبد الوهاب

الأخ والأستاذ الفاضل عتمان طه .

السلام عليكم ورحمة الله وبركاته .

ذوقك وخلقك الرفيع وأدبك الجم دعانى إلى تعديل المشاركة .

وعلى فكرة محمد يحى لو معاه خمسة مثلك يجملوا صورته مثلما كنا نفعل فى الدورات السابقة أنا ودكتور ابراهيم مرعى والأستاذ أشرف مصباح والمهندس فتحي عامر والأستاذ خالد مشعل أعتقد الوضع هيتغير طبعا حضرتك عارف المجموعة دى كلها بعيد عنه .

وربنا يولى من يصلح .
تحياتى

النائب محمد يحيى عقل خائن للوعود

دلع يا جمل الدلع وي الديره خلص هتولع

والله احنا احترنا فى البلد دى
كل شوية نسمع ان مرشح عمل صرف صحى ومياة شرب واسفلت
هى الحكومة بتعمل اية لما المرشحين هما الابيعملوا
كفاية بقة احنا تعبنا شعارات شعارات شعارات
لا الابينجح بيعمل حاجة ولا بيسقط بيعمل حاجة
كل عضو كسب دورة 5 سنين حد يقدرعمل اية للشباب والبطالة الا بيعانوا منها ساهم فى بناء مستشفيات للعلاج من الامراض المزمنة
ساهم فى بناء مصانع لايجاد فرص عمل لايادى عاملة لاتجد قوت يومها
ساهم فى انشاء نادى رياضى حتى يجد الشباب متنفس صحى بدلا من الجلوس على المقاهى والابتعاد عن شرب المحرمات
ساهم فى بناء مساجد لعبادة المولى عذ وجل
الرحمة بينا ياشباب الكل يريد المصلحة
الان ياخدك بالاحضان والقبلات
وغدا لاتراة غير وهو فى سبات النوم بالمجلس
ولن ترى احضانة وقبلاتة الا بعد 5 سنوات
لانة سيكون محتاج لحضنك
الاستاذ / عمرو بيحكى ويتحاكى عن انجازات الدكتور من مياة وصرف واسفلت
امال الدولة بتعمل اية ياعمرو
الرحمة الرحمة الرحمة ياارحم الراحمين

الاخ الدكتور محمد فتحي اعلم انك كنت صديق قوي للدكتور محمد عقل ومساند جيد له في الدورة الماضية ولكن للدكتور انجازات بكل تأكيد
فقد عين في قريته الورق اكثر من 100 شخص صحيح 95% منهم من عائلته والباقي من المعارضين له..... ولكنه خير في قريته
اما بخصوص ربط ولد غلبان في عمود الكهرباء فهذا الولد اسمه احمد هاشم محمد حسين سعيد ولكنه يستحق ذلك فقد اخطأ في حق اقرباء للدكتور علما بان هذا الولد قريب محمد يحي يعتبر خاله وقد تدخل بعض الصالحين من القرية وتوسطوا للولد وفكو وثاقه
اما اخت الدكتور محمد واسمها وداد ( الشهيرة ب وداد شباشب ) فقد ضربت الحاج/ احمد عيد عسل من عين اعيان الورق بالشبشب لان هذا العسل اعترض علي رصف الشارع المؤدي الي بيت الدكتور فنال جزاء ما يستحق
واخيرافقد ساعد في بناء اكثر من 10 افدنة زراعية ضمها الي الكتلة السكنية في قريته وللعلم كل اصحاب هذه البيوت ناس غلابه لم يكن لهم بيوت

الحصان واخو وداد شباشب واحمد عارف بره السنه دى وسلام مربع

القضاء الإدارى يقرر وقف إجراء الانتخابات بجميع دوائر كفر الشيخ

الخميس، 25 نوفمبر 2010 - 14:44
جريدة اليوم السابع

كفر الشيخ ـ محمد سليمان
Bookmark and Share Add to Google

قرر المستشار محمود أبو الدهب، رئيس محكمة القضاء الإدارى بكفر الشيخ، نائب رئيس مجلس الدولة، وقف إجراء الانتخابات بدوائر محافظة كفر الشيخ التسعة بالإضافة للكوتة وذلك لعدم تنفيذ الجهات المختصة سواء اللجنة العليا للانتخابات بكفر الشيخ أو مديرية الأمن للحكمين القضائيين اللذين أصدرهما رئيس محكمة القضاء الإدارى بكفرالشيخ بإدراج أسماء 29منشقاً عن الحزب الوطنى فى قوائم الانتخابات وقبول أوراقهم ومنحهم الرموز و إدراج 28 آخرين فى حكم آخر.

وقدم الحزب الوطنى استشكالا على الحكم، صباح اليوم، حيث شهدت محكمة القضاء الإدارى تواجدا مكثفا لأنصار المرشحين الذين افترشوا أرض المحكمة ما بين نائم وجالس وأثناء النطق بالحكم اختلط الأمر على بعض أنصار المرشحين، معلنين عن فرحتهم التى لم تكتمل بعد أن علموا أن أنصارهم لم يتم تغيير صفتهم ومنهم فؤاد الرفاعى ومحمود زايد.

كما قرر القضاء تغيير صفة مرشحى الحزب الوطنى من فئات لعمال وهم عبد النبى عبده بدائرة الرياض وإبراهيم سعد بدائرة بيلا وعز الرجال بدائرة العجوزين ومحمد عبد الحميد هاشم بدائرة سيدى سالم فى حين تم تحويل صبح أبو المجد مرشح الحزب الوطنى ببيلا من عمال لفئات.


وفقد الحزب مقعد العمال فى دائرة الحامول والبرلس لعدم تغيير صفة الفئات لعمال لمرشحى الحزب الوطنى وهما فؤاد الرفاعى وأحمد الجزايرلى، ورفضت المحكمة تحويل محمود زايد مرشح الحزب بدائرة قلين من فئات لعمال.
وتم تحويل جمال الروينى المرشح المستقل من فئات لعمال وفقد الحزب مقعد العمال فى دسوق لعدم تحويل على جمال داود مرشح الوطنى من فئات لعمال.

والله المستعان على ما تصفون .

بالذمة مش مكسوفين من نفسكو

استاذى الفاضل اللى كان بيتكلم على محمد يحى

عقل

مش شايف ان الحاجات دى كتير اوى على 5 سنين

اكتر من 100 واحد من قرايبه

و10 افدنه اسف اكتر من 10 افدنه كتله سكانية

والله دا كرم زيادة

عمل تانى اية الاستاذ, اه رصف الطريق لبيته

والله راجل متواضع , دا لحد دلوقتى الواحد بيقع

فى الحفر فى البلد

يا استاذى وارجوك متزعلش من كلامى

ابو بكر كان بيقول انى وليت عليكم ولست

بخياركم.

فين عقولكم!!!!!!

لا يلدغ المؤمن من جحر مرتين والناس عاوزة

تجرب تانى, سبحان الله هى هى نفس اسماء كل مرة

هى اللى بتترشح

هو هو نفس الشخص اللى قعد على الكرسى ومعملش

حاجة ونقول المرة دى هيعمل

مسكين فى اللى نعرفو وكأنو امنا ولا ابونا

ونقول مصر حالها مايل وبقت العيشه فيها صعبة

والكوسه فى كل حته واحنا انا وانت اللى

خربينها

انا كنت فاكر انى هلاقى يوم حد بيقول الناس دى

بتضحك علينا. الناس دى نصابه وكدابه وغشاشه

انا مبتكلمش على محمد يحى لوحده

انا بتكلم على كل عضو محترم طلعناه على

كتافنا وفى الاخر ولا عبرنا.


فوقو بقى

صعبان عليا الناس اللى راحت ونامت قصاد

المحكمة علشان المرشح بتاعها وهو ولا يسوى


يا ناس فوقو

المرشحين دول كل واحد فيهم مدخلش الانتخابات

وصرف فلوس علشان يخدمنى ويخدمك

دا صرف علشان ياخد......ياخد حقى وحقك

ياخد صوتى وصوتك.

يسرق كرامتى وكرامتك

وفى الاخر نقول محمد يحى ولا العميد

محمد هاشم ولا ابو احمد

شفتوش جهل اكتر من كدة.

اعرف ان صوتك اللى هتديه لاى .......... منهم انت

مسئول عنه ومسئول عن كل حاجة هو هيعملها

اللى يدى للظالم قلم يكتب ظلمه كأنه ظلم زيه

شوف انت هتظلم كام واحد...

شوف كام واحدغلبان الاعضاء المبجلين اخدو حقه

اخدو ارضه

اخدو علاجة اللى البلد جابتهوله

وزى ما قولت وهفضل اقول

عاوز واحد يتكلم عنى , ويقولى بلسانى , يبقى ضهرى ويبقى سندى

وقت ما احتاجه الاقيه جنبى , شايل جميلة وقفتى

جنبه

عاوز واحد مش اى كلام , عاوز واحد فى الحق

يساندنى وفى الظلم يحوش عنى

ومش عاوزه يساعدنى , لو ساعد اخواتى هقول

ساعدنى

بس يساعد

مش عاوزه يوظفنى , بس يعرفنى السكه منين

دا انا برضه اللى عليته وللكرسى انا واخواتى

وديته

وطالما طلب مساعدتى يبقى بشروطى

كل اللى فات دا مكنش شروطى , دا حقى وحق

اخواتى عليه

انا اللى خليته بيه ...يبقى لحد عندى ويقولى

يا بيه

تأمر ايه

لازم يعرفو ان مركز سيدى سالم اللى مش هيعمله

ويديله , ولا عمره هيشوف المجلس تانى

سبحان الله البلد بتقولك خد حقك قول انت عاوز

اية واحنا لسه بنقول محمد ولا العميد

ابو احمد ولا هاشم

ومتقولش ان هى الا الحياة الدنيا

والله المستعان

سنقرأ يوما فى الجريدة يا بلادى اننا كنا نعاج

تذكر


ما اللذى يدفع الذئاب للتنافس؟؟؟؟؟؟

سوى النعاج

عرفوهم ان احنا مش نعاج

عرفوهم احنا مين

ماهر المصرى

السلام عليكم اولا انا محبتش اقول كلامى ده الا بعد انحصار المقعد بين الحاج ماهر والعميد سيد احمد ومع انى اكن كل التقدير للدكتور محمد عقل لكن الناس اللى بتتكلم على الانجازات دى اكيد من دايرة تانية غير دايرتنا الا اذا كانت انجازات شخصية لحد فيهم او تعصب قبلى وهذا حقهم لكن يجب ان نتقبل راى الاخر فالدكتور محمد ليس له اى انجازات عامة او ملحوظة فالبلد هى البلد بل ازدادت سؤ على سؤ وافتكر خروج الدكتور محمد من الجولة الاولى كان طبيعى ومتوقع والله العظيم ياجماعة بس اللى مش طبيعى انه حصل على اكتر من 15 الف صوت بس ده اكيد بعد لجنة الرافة بقيادة اللى بالى بالك ومع ذلك منفعوش سبحان الله وبعدين ده درس كويس لكل مرشح ينسى من رفعوه الى عنان السماء وحملوه على الاعناق وتجاهل مصالحهم وضرب باحلامهم فيه عرض الحائط انما نتمنى اى كان ان ينظر للبلد لو بعين واحدة ولا يظن ان 5 سنوات مدة طويلة وان الناس قد تنسى ابدا والله وافتكر اقل حقوقنا ان نشرب شربه ماء نظيفة فنحن فى بلد النيل العظيم ونتعالج حتى لو على نفقنا المهم نجد العلاج ولا يسرقه منا نوابنا كما فعلوا وتذكروا ان الموت ياتى فجاءة والمال العام اشد حرمه من المال الخاص مع خالص تقديرى للدكتور محمد عقل ومبروك لمن يفوز وان شالله نولع احنا المهم يكونوا همه مبسوطين ارجو من يقرا يعى ما اقصد فلم اقصد الاساءة الى كائن من كان فانا لست خير من احد بل انا اقل الناس بينكم ووفق الله الجميع لما فيه خير البلاد والعباد

انا من رايى العميد هو الانسب لهذا المقعد لا انه رجل محترم وخدوم

الشريف العفيف اللى بيحب بلده !!!!!!!!!!!!!

انجازات نائب سيدى سالم هذه ام انجازات نائب الورق ؟طالما معهد دينى الورق ومسجد الورق ورفع الضغط الكهربى العالى للورق بس برافو عليه رفع الضغط الكهربى العالى من الورق ورفع ضغط الدم عند باقى ابناء الدائرة ثم يا سيدى هعمل بنصيحتك وهركب عدسات بس تفتكر لو ركبت عدسات ممكن اشوف شئ قبيح كانه جميل؟ وبعدين انا تكلمت بموضوعية ليه ناخد الامور بحساسية مش قولنا تعصب قبلى ؟ عموما ربنا يولى من يصلح بس انا لو مرشح مستناش 5 الاف صوت من تحت الترابيزة وازور ارادة الناس وكنت روحت بيتى وانا اللى ارفض يتزور عشانى وخصوصا اذا كنت رجل علم والراجل كشخص لا غبار عليه انما كنائب مظنش وعموما طالما انت مرتاح كلنا مرتاحين يا سيدى مع خالص حبى وتقديرى لك وللدكتور محمد فهو على عينى وراسى والله وشكرا

الاخ ابو كريم واضح انك كريم جدا
ابو عقل بني مسجدين؟
طيب اسال الدقون اللي وداهم السجن وقال عليهم في روزاليوسف ان قرية الورق تئن تحت وطأة المتطرفين

الاخ ابو كريم واضح انك كريم جدا
ابو عقل بني مسجدين؟
طيب اسال الدقون اللي وداهم السجن وقال عليهم في روزاليوسف ان قرية الورق تئن تحت وطأة المتطرفين

الاخ ابو كريم واضح انك كريم جدا
ابو عقل بني مسجدين؟
طيب اسال الدقون اللي وداهم السجن وقال عليهم في روزاليوسف ان قرية الورق تئن تحت وطأة المتطرفين

واضح كريم انك من الورق
تحلف انك كنت مع الدكتور وذهبت واديته صوتك؟
تحلف انك خرجت زوجتك ان كنت متزوج عشان تختار محمد عقل؟
تحلف انك خرجت والدتك ووالدك عشان ينتخب محمد عقل ؟
تحلف؟

استاذ سالم مش عارف انا عاوز ارد عليك
هذه انجازاته فما هي انجازاتك

يا اخ سالم متتعبش نفسك ياعم اهو اكبر رد علي الدكتور محمد كان فى صناديق الانتخابات حتى بعد الكام الف صوت اللى من تحت الترابيزة راح لحاله يا سيدى برافو سيدى سالم والله

ايها الميمي هو دكتور في الجامعه وانت من تكون

ياجماعة صوتكم امانه للحاج ماهر على المصر هى الورق بقت تمام جوامع معاهد ووظايف وبيوت سيبوا لنا شويه القبلى فرح واحنا حرام علينا ولا انتم ايه رايكم يبقى لا دجال على الحاج ماهر على والحاج محمد عبد الحميد هاشم اخوكم عطيه الصردلى وابراهيم ابو سعدة

اجمل باقة ورد وتهنئة من عائلات الفضالى بالصحارة للحاج ماهر على المصرى ويدعوا له بالنجاح والتقدم والحاج محمد عبد الحميد هاشم والكل ياريت يدعوا لهم عنهم ابرهيم الفضالى

استاذي العزيز اشرف مصباح
والله ماكنت اقصد هذه النبره العالية ولكن انا احب بلدي واحب كل شخص فيها
وفي النهاية
انا اسف لكل من فهم كلامي علي غير قصد مني
ابو حبيبة كريم

العميد سيد احمد محمد سيداحمد

المصري هاشم

اشهدك يا استاذ اشرف اذا كان رد الاخ الفاضل ابو حبيبة بنفس النص ان الدكتور محمد دكتور جامعة فمن تكون انت ايها الميمى اولا اشكرك على عتابك له اما انا فسوف ارد واظن حق الرد مكفول فى اطار الادب اكيد انا ولله الحمد مربى اجيال بنفس مجال الدكتور محمد والاستاذ اشرف وتتلمذ على يدى الكثيرون ممن تقرأ لافتتهم من اطباء ومعلمين ومحامين ومهندسين وغيرهم ولله الحمد انا راض عن نفسى الى حد كبير جدا من نعمة الله على ولكن فقط احب ان الفت نظرك اننى كنت اظن فقط ان وراء عدم توفيق الدكتور الفاضل محمد عقل قلة انجازاته العامة انما الان بعدما تكلمت معى بهذه الطريقة اكتشفت سببا اهم بكثير واتمنى تكون انت كمان فهمته ومن اجل ان ايسرها عليك اكثر واكثر كثيرا ما يكون حول المرشح من مؤدين وانصار من يؤذونه بطريقة او اخرى اتمنى تكون وصلت

كفر الشيخ - محمد سليمان
Bookmark and Share Add to Google
جريدة اليوم السابع
حالة من القلق تسيطر على مرشحى الحزب الوطنى من المستقلين، وذلك رغم انسحاب الإخوان، حيث تبادر إلى مرشحى وقيادات الوطنى فى المحافظة وجود اتجاه قوى بين المواطنين بالدوائر السبعة بالمحافظة التى ستتم فيها الإعادة التصويت ضد الحزب الوطنى، خاصة فى الدائرة الأولى التى اتهم فيها أشرف صحصاح المرشح بأنه تم التضييق عليه بفعل فاعل.

وفى الدائرة الثانية رأى كثير من أنصار المرشحين أحمد الأتربى وزين الرفاعى أن هشام الدمرداش كان سبباً فى استبعاد الصناديق مما أبعدهما عن الإعادة لذا سيكون التصويت فى مدينة الرياض ودقلت ونصرة والعديد من القرى لصالح عبدالسميع يوسف وبدير عبد العزيز مرشح العمال المستقل.

وفى دائرة قلين سيكون التصويت لصالح خليفة حامد بعد القصص والأحداث الغريبة التى حدثت فى شباس عمير من حبس أنصار مرشح الوطنى هناك لمرشح مستقل فى اللجنة وإجباره على انتخاب منافسه بالقوة أما العمال فالتصويت لصالح المرشح المستقل ياسر منير.

وفى دائرة سيدى سالم فالتنافس بين مرشح الوطنى سيد أحمد والمستقل ماهر المصرى وإن كان للمصرى أنصار أكثر أما مقعد العمال فالمنافسة بين مرشحى الحزب على أحمد على ومحمد عبد الحميد هاشم والغلبة ستكون لعلى أحمد لكثرة مناصريه، لذا يحاول مرشحو الوطنى استمالة الناخبين لانتخابهم بدلا من الاتجاه للمستقلين، ولكنهم يجدون صعوبات بالغة، ويستغل المستقلون هذا الاتجاه لصالحهم وتتم عقد التربيطات والصفقات بينهم وبين العائلات بمعظم الدوائر السبعة.