ازاي تعرفي خطيبك من طريقة اكله قبل الزواج؟؟

اذاي تعرفي خطيبك من طريقة اكله قبل الجواز؟؟؟؟؟؟؟

خلي بالك

اسمعوا كلامي وركزووووووا قبل ماتتدبسواااااا

إذا كان بياكل عادي يعني لا بسرعة ولا ببطء ولا دايمًا شبعان ولا
مفجوع على طول..
يبقى شخص معتدل في عواطفه وقراراته
ويبقى ده آخر الرجال المحترمين..
.....شي.. واستعجلي الزفاف والحياة هتبقى بمبي

إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشي لحد ما يغمى عليه..
يبقى إنسان.. وهوائي..وطايش..
وأوعي تتجوزيه أحسن ياكلك وانتي نايمة....؟؟

أما إذا كان مش مهتم بالمرة.. لايقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان
يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..

أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من ع الأكل قبل أي حد تاني.
يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك.

أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم ف الأكل من العصر
للمغرب .
حاسبي منه ده النوع اللي له مخ.. وبيوزن الأمور بطريقه تفقع
المرارة.. بدري.... بدري....

أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتكلم..
طول ماهو بياكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"

أما إذا كان دايمًا قرفاااان دايمًا مش عاجبه العجب ولا الصيام ف
رجب..
الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع مووووز.. أووووف.. الرز محصويل.. المكرونة
معجنة..
إذا كان كده توكلي على الله وهاتي أحمى ساطووووور عندك وأنا محاميه وهطلعك منها زي الشعرة م العجيييين

والأحسن من ده كله.....

مالها القعدة ف بيت أبووووووووكي ارحم بكييييير؟؟
ههههههههههههههه

والله عسل احلي موضوع قرأته اليوم

ربنا ما يحرمنا لحظه من مواضيعك

ربنا يكرمك يارب استاذ محمد والله انت اللي بترفع من معنوياتي وبتجبر بخاطري انشاله يخليك يارب ياخويا هههههه

عضو عدد المساهمات : 93 تاريخ التسجيل : 04/12/2010

طيب والله منا واكل

هههههه استاذ مصطفي لا كل بس اختار طريقه حلوه بقي لحد الجواز وكل براحتك ماهي خلاص اتدبست بقي لاهتقدر تقول اه ولا لا

ههههههههههههههههههههههههههه
ياخونا انا قولت احنا هناكل جاتوه قريب ماحدش صدقنى .. وماتقوليش انته الاول انا خلاص اكلت جاتوه وكله تمام

ياسميـــــــــــــــــــن

موضوع لذيذ اوى

بس انتى كده هتعنســـــــــــــــى ان شاء الله

انتى وكل الى هيسمع كلامك من البنات

وتعالى قبلينى ان لقيتى راجل خالى من الصفات المزكورة

انتى تقريبا ذكرتى معظم الصفات الى عندى

ههههههههههه

اول حاجه استاذ بلبل ههههه لا جاتوه ولا حاجه انت بس بيتهيألك وكمان مبروك علي جاتوهك ماكنتش اعرف
تاني حاجه محمد جمال طالما طلع عندك معظم المواصفات دي يبقي انا جيت علي الوجيعه هههه شكلك انت اللي هتعنس ههههههه بس علي الفكره الموضوع علي سبيل الهزار والمرح بس انما اي بنت مش بتدور غير علي التدين والاحترام فقط انما بقي طريقة الاكل دي فهي حاجه عبيطه علي سبيل الضحك

ولا كلامك زين وانشاء الله ربنا هيكرمك بواحد ميكونش اكيل أوي
مع ان فعلا اقرب طريق لقلب جوزك معدته
ولكن ليس بالخبز وحده يحيا الانسان
وتحيا مواضيعك القيمه الغنيه بالبروتينات اقصد بالمعلومات ازاي تعرفي خطيبك من طريقة اكله قبل الزواج؟؟ 162756_166402560068470_100000961816992_305180_6130080_s

ازاي تعرفي خطيبك من طريقة اكله قبل الزواج؟؟ 162756_166402560068470_100000961816992_305180_6130080_s

ازاي تعرفي خطيبك من طريقة اكله قبل الزواج؟؟ 164726_131288576932652_100001545318987_185436_2589257_s

دا كده محدش متجوز خالص وبعدين البنات اليومين دول عوزه تتجوز وخلاص
هههههههههههههههه

انا علي فكره لاباكل بسرعه ولاببطئ ولا دايما شبعان ولا دايما جعان
وشكرا بجد لان كل مواضيعك مميزه

استاذ محمد صبحي_ استاذ محسن شرف الدين شكرااااااا للرد

عضو عدد المساهمات : 93 تاريخ التسجيل : 04/12/2010

انا لايت الحل خلاص انا ابل مروح عندها اكون اكلت في بتنا كويس واروح باه حافظ الرشته بتاعت ياسمين واتجنب كل الحجات الي الت عليها وووووووووووووووواباه ابلني باه بعد الجواز يا باشا

هههههههههههههههههههههههههههههههههههه

ماشى

من غشنا فليس منا

هههههههههههههههه

هههههههههههههههههههههه استاذ محمد السيد

عندك حق ليس بالخبز وحدة يحيا الانسان

فى خبز وفى رز وفى مصقعة وفى كوسة وفى بمية وفى شوربة

وفيه لحمه وفيه سمك وبطاطس وفول وطعميه وكده مش هنخلص النهارده ان شاء الله

» 10 نصائح للبنات قبل الخروج مع خطيبك لاول مره
» تخلصك من الوزن الزائد والنفس الكريه تعرفي على فوائد العلكة واستمتعي بها
» هذه هي المرأه بعد الزواج
» همسة للمقبلات على الزواج
» طقوس الزواج الصحراوي في المغرب