بسم الله
بما ان انا اللى هرشح وانا اللى هختار
فيبقى ثوانى ارجع ضهرى وافرد رجلى
واقول كل اللى ف نفسى
اولا
بالنسبه للفئات
ف انا مش عاوز واحد اى كلام
عاوز واحد بيعرف يقرا ويكتب ويفهم كمان
التلاته مع بعض
عاوز واحد يحس بيا , يحس ببلد من يوم ما شفتها ومفيش فيها جديد , يحس
بقيمة لميتنا حواليه و وقفتنا جنبه فى الانتخابات بس علشان يقف جنبها, يكبرها
ويطورها .
عاوز واحد يتكلم عنى , ويقولى بلسانى , يبقى ضهرى ويبقى سندى
وقت ما احتاجه الاقيه جنبى , شايل جميلة وقفتى جنبه
عاوز واحد مش اى كلام , عاوز واحد فى الحق يساندنى وفى الظلم يحوش عنى
ومش عاوزه يساعدنى , لو ساعد اخواتى هقول ساعدنى بس يساعد
مش عاوزه يوظفنى , بس يعرفنى السكه منين
دا انا برضه اللى عليته وللكرسى انا واخواتى وديته
وطالما طلب مساعدتى يبقى بشروطى
كل اللى فات دا مكنش شروطى , دا حقى وحق اخواتى عليه
انا اللى خليته بيه ...يبقى لحد عندى ويقولى يا بيه
تأمر ايه
اما العمال
دا شروطه تقيله
يحس بأخواتى اللى مالهم حيله
يبسطهم واكون مبسوط
مش بالاوطنه ولا بالكلام
ياما سمعنا من ده كلام
مش عاوزه عمده ولا م الاعيان
ولا عندو حتى 100 فدان
بس عاوز عنده قلب
صعبه عليك دى يا انسان؟؟؟؟؟؟
شفت شروطى........!!!!!!!!!!!!!
.
.
.
.
.
اما الستات
اه من الستات
وربنا يستر على دى ايام
اسف على الاطاله
ارتجال
طارق طارق
السبت 4 ديسمبر - 15:30:58
