سيدى سالم
أهلا بك عزيزى الضيف ومرحبا فى منتدى سيدى سالم
نتمنى تسجيلك معنا ومشاركتك
فمرحبا بك

سيدى سالم
أهلا بك عزيزى الضيف ومرحبا فى منتدى سيدى سالم
نتمنى تسجيلك معنا ومشاركتك
فمرحبا بك

سيدى سالم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

سيدى سالم

منبر أبناء سيدى سالم / محافظة كفر الشيخ
 
الرئيسيةأحدث الصورالتسجيلدخول

 

 قصيدة 3 خرفان للشاعر هشام الجخ

اذهب الى الأسفل 
+2
كمال العطيوى
دكتورمحمد فتحى
6 مشترك
كاتب الموضوعرسالة
دكتورمحمد فتحى
المشرف الذهبى
المشرف الذهبى
دكتورمحمد فتحى


عدد المساهمات : 173
تاريخ التسجيل : 15/10/2010
العمر : 54
الموقع : السعودية

قصيدة 3 خرفان للشاعر هشام الجخ Empty
مُساهمةموضوع: قصيدة 3 خرفان للشاعر هشام الجخ   قصيدة 3 خرفان للشاعر هشام الجخ I_icon_minitimeالسبت 22 يناير - 3:16:59

3 خرفان
ودي حكاية وكان يا ما كان ..
ولا يحلالي اي كلام ..
الا بذكر النبي الهمام ..
عليه الصلاة والسلام

3 خرفان
ومعزاية
وشجراية
وبير بترول
وديب فجعان

3خرفان ما يتاكلوش في يوم واحد
ما يتهضموش

راح للخروف
اتخن خروف
قال يا خروف ؟؟؟
عيال اخوك متنعنعين ومتنغنغين
وانت هنا في اسوأ ظروف ؟؟
يادي الكسوف !!
راح الخروف
علشان خروف
ضرب الخروف
الديب حيسكت ؟؟؟؟؟؟؟؟؟؟؟
راح للخروف
تالت خروف
شفت الخروف ؟؟!!
ضرب الخروف
احميك انا
وابات معاك في الدار هنا
واديني بس انت مكان
راح الخروف
علشان خروف
إدّاه مكان

يوماً سنقراُ في الجريدةِ يا بلادي انّنا كنا خرافْ
سيجفُ هذا النفطُ فوقَ جلودِنا
ونودّعُ السبعَ السِمانَ ونلتقي ألفاً عِجَافْ
سيُدَوِّنَ التاريخُ اسماءَ الملوكِ العادلينَ
الصابرينَ
الساكتينَ
الكاتمينَ الصوتَ بينَ شعوبِهم .. مثلَ الزرافْ
سيحاكمُ التاريخُ حكامَ العروبةِ كلِّها
وسينزعُ الاظفارَ منهم في سبيلِ الاعترافْ
إني احبك يا بلادي مرغما
واقول شعرا يا بلادي مرغما
والشعر إن مسَّ السياسةَ يستحيلُ مصائبا
والشعر إن مسَّ الصعيديينَ مثلي
يستحيل كحدِّ سيفٍ لا يخافْ
انا لا اخافْ


من كام سنة بِنْهِشّ بإدينا الفيران؟؟؟
ونقول ما ندَّخلش في امور الجيران !!!
من كام راسمين رجولتنا ادب
ناقشين إدينا نقش حنة
وقلنا سنة
ورمينا من إيدنا سلاحنا وقلنا هدنة
وبلدنا بِكْر بتُغتصب
يِعلاَ صوتها غصب عنها نِتْهِمْهَا بالشَغَب !!
يا بلاد ماليها الاَّ العجب
يا ( معرَّمين ) شعر وادب
هي الرجولة تتوزن وقت الغضب غير بالغضب ؟؟؟
هو اللي متَاخد غَصَب مش برضه يتاخد غصَب ؟؟
يا بلاد ماليها الا العجب
يا ( معرمين ) شعر وادب
الوزن هو اللي اختلف ولا الميزان اللي اتقلب ؟

من كام سنة بنسأل "بهية" مين قتل
واحنا اللي قاتلينه بإدينا !!
مدِّينا إيدنا للغريب وف بعض عضِّينا وعَادِينا
مين اللي ظالم في الحكاية .. ومين جبان ؟
مانلومش ع الديب اللي خان
احنا اللي خرفان بالوراثة
الصبر وارثينه وراثة
والطاعة وارثينها وراثة
والـــ ... وارثينه وراثة
وحاجات كتيرة مش وراثة
احنا خدناها وراثة

انا كل ما اتذكر نحية العلم يسرح خيالي
كان صوتي لسه عيالي .. بس عالي
كنت احسّ اني بهزّ المدرسة
كان العلم من فرحته يرقص على الساري شايله
طب كنتو ليه بتعلمونا نحفظ البرّ وجمايله
طب كنتو ليه بتعلمونا نكره الظلم وعمايله
لمّـا انتو ناويين تسجنونا في ارضنا
كان ايه لزوم العلم .. وهمومه .. ورزايله
طب كنتو سبتونا بهايم كنا نِمْنَــا مرتاحين
ازاي ابيع ارضي وعارف ان جسمي اصله طين
طب كنتو علمتونا مثلا اننا من اصل تركي
او اوروبي
ان جسمنا اصله حلاوة او مِلَبَّس
اشمعنى طين ؟؟؟
طب ولما الطين يروح .. ايه اللي فاضل ؟؟
ولمين نغني ونفدِي روح ؟؟ ولمين نناضل ؟؟؟؟
ولمين اعود واشتاق واحب واغير واكافح ؟؟
ولمين اغني واقول ( بحبك يا بلد) والحب طافح ؟؟

لاموا عليَّا الناس
عايزيني اقول اشعار في "محمد الدرة"
مش قايل !!!
ما انا لما قلت زمان يا بلادي يا ( رحبة )
قالوا ده واد سافل !!
واللي اتلَوِتْ مني واللي اتقَمَص مِنِّي
ونزلت عنيهم م الخجل في الارض
وبَهْدَلُوني وحَدَّفوني لبعض
وقالوا برضك عيب .. القاعة فيها بنات !!!!
طب يعني وفلسطين مش برضه فيها بنات ؟؟
والله دي فلسطين نسوانها رجالة
هما اللي عمَّالة واحنا اللي قوَّالة
عندينا تِبْقَى الست وَلَدها طول الباب وتخاف يروح مشوار
وهناك حريم من غَضَب
شايفين عيالهم دهب
وعشان ما يلمع زيادة لازم يدوق النار
وتقولوا اقول اشعار !!!!!!!!!
مش قايل

هما 3 كلمات
نعم .. اكيد .. طبعا ..
وطول ما فيه جُبَنَا .. فرعون بيتفَرْعَن
والشعر اصله جبان
اللي يقوله جبان
واللي يعيده جبان
قولنا بلاش نكتب والحرب اولى بْنا
قالوا حرام والنبي خلُّولْنا اولادنا
خايفين على ولادهم م الجنة ونعيمها
شوفتوش خيابة و همّ
الاسم رجالة والاسم عندنا دم
دي ام موسى ( المرة )
خافت على ولدها .. رمته في قلب اليم
واحنا ( بنتسولق ) وبنتشوي قرارات
تطلع قراراتنا صورة جماعية على صفحة الجُرنان
يا ما اشجع الفرسان
وتقولوا اقول اشعار .. مش قايل


همست في وِدْني ( بَحِبَّك ) ..
كان جسمها مفرود والخمرة عامياني
وبياض إديها كان بيزعق لما تعدل شعرها
الواد بيعرج م الرصاصة اللي في رِجْلُه
شدِّت حزام الروب
وبانت زي شيء معرفش شعري يوصفه..
كانوا العساكر قربوا
والواد متبت ع الحجارة اللي ف إديه
مدّت إديها وقَّفِت كل الساعات
صوت الكاسيت نبَّهني اني ف شقتي
كانوا العساكر قربوا
بيقربوا بيقربوا
والواد متَبِّت ع الحجارة اللي ف إديه
وَقَعِت قزازة البيرة من إيدي على طرف السرير
الواد صرخ في مخبأه
فاتلفتت قلقانة خايفة لاتجرح
جريت على الصوت العساكر
وابتدى صوت الرصاص يملا الجبل
دوَّرت عندي في الدولاب على حاجة تنفع لجل تِتْحَزَّم لي بيها
ما التقيت غير شال اخويا اللي اتقتل تحت الجبل
كان برضه يعرج لما يمشي من الرصاصة اللي في رجله
وكان متبت ع الحجارة اللي ف اديه
مين اللي خانك يا وطن ؟؟؟؟؟؟؟؟؟؟؟؟؟؟؟؟؟؟؟؟؟
قلعت حَلَقْها لما عَوَّرني ف رقبتي
وحطته جنب السرير
نامت على الارض العساكر لجل تسمع دَبِّة الواد اللي لسة مستخبي
اتكسف صخر الجبل من وقفته
هيَّج رماله ع العساكر
سامحيني يا وحدك
مقدرش اعيش هارب
انعس في حضنك كيف
والرملة في الصحرا واقفة وبتحارب


أعطوني عاما تقريبا لأجيدَ اللغةَ العبريةْ ..
فالجاري في وطني هذا ..
أخجلني صدقا أن أكتبَ شعرا باللغةِ العربيةْ .




الرجوع الى أعلى الصفحة اذهب الى الأسفل
كمال العطيوى
مؤسس المنتدى
مؤسس المنتدى
كمال العطيوى


عدد المساهمات : 1127
تاريخ التسجيل : 11/10/2009
العمر : 71
الموقع : https://www.facebook.com/groups/297267610440013/

قصيدة 3 خرفان للشاعر هشام الجخ Empty
مُساهمةموضوع: رد: قصيدة 3 خرفان للشاعر هشام الجخ   قصيدة 3 خرفان للشاعر هشام الجخ I_icon_minitimeالسبت 22 يناير - 8:45:59

حقا إنها رائعة من روائع الشاعر الشاب /هشام الجخ ابن الصعيد
والأروع انك يا صديقى الجميل واستاذنا الفاضل عدت لنا بعد غيبة
متعكم الله بالصحة والعافية ودائما فى انتظار كل جديد منكم
وصباح الخير يا سيدى سالم
الرجوع الى أعلى الصفحة اذهب الى الأسفل
محمد جمال
مساعد المشرف العام



عدد المساهمات : 1727
تاريخ التسجيل : 08/11/2010
العمر : 113

قصيدة 3 خرفان للشاعر هشام الجخ Empty
مُساهمةموضوع: رد: قصيدة 3 خرفان للشاعر هشام الجخ   قصيدة 3 خرفان للشاعر هشام الجخ I_icon_minitimeالسبت 22 يناير - 16:57:47

قصيدة 3 خرفان للشاعر هشام الجخ %D8%B9%D9%84%D9%85+%D9%85%D8%B5%D8%B1
الرجوع الى أعلى الصفحة اذهب الى الأسفل
محمد عبدالعاطى الشباسي
مشرف مميز
مشرف مميز
محمد عبدالعاطى الشباسي


عدد المساهمات : 154
تاريخ التسجيل : 17/02/2010
العمر : 56
الموقع : السعودية جدة

قصيدة 3 خرفان للشاعر هشام الجخ Empty
مُساهمةموضوع: رد: قصيدة 3 خرفان للشاعر هشام الجخ   قصيدة 3 خرفان للشاعر هشام الجخ I_icon_minitimeالأحد 23 يناير - 14:38:06

تحية للشاعر الكبير هشام الجخ ولناقل القصيدة د محمد فتحى وكم اثارت شجونى لدرجة اننى اعدت قراءتها مرات ومرات
الرجوع الى أعلى الصفحة اذهب الى الأسفل
علاء مغازى العتيقى
مشرف
مشرف
علاء مغازى العتيقى


عدد المساهمات : 114
تاريخ التسجيل : 26/10/2010

قصيدة 3 خرفان للشاعر هشام الجخ Empty
مُساهمةموضوع: طلما مشاركاتك التى تبدعنا يا دكتورنا العزيز كما هو معهود عنك   قصيدة 3 خرفان للشاعر هشام الجخ I_icon_minitimeالأحد 23 يناير - 18:59:19


بسك الله الرحمن الرحيم
اهلا وسهلا يا دكتورنا العزيز متعك الله بالصحة والعافيه
تحية من اعماق قلبى الى استاذى العزيز
الاستاذ الدكتور
محمد فتحى
والله ان هذه القصيده الرائعه جعلتنى ابحث عنها بالصوت والصورهونسجت على منوالك
وبحثت عنها لما لشعر هشام الجخ من حلاوة وروعة وعذوبة فى الاداء
الى ان وجدتها




الرجوع الى أعلى الصفحة اذهب الى الأسفل
عبدالله زيتون
المشرف الذهبى
المشرف الذهبى
عبدالله زيتون


عدد المساهمات : 190
تاريخ التسجيل : 07/12/2010
العمر : 59

قصيدة 3 خرفان للشاعر هشام الجخ Empty
مُساهمةموضوع: رد: قصيدة 3 خرفان للشاعر هشام الجخ   قصيدة 3 خرفان للشاعر هشام الجخ I_icon_minitimeالخميس 27 يناير - 21:04:41

السلام عليكم اخى وحبيبى الدكتور محمد فتحى وشكرا على اختيارك الجميل
الرجوع الى أعلى الصفحة اذهب الى الأسفل
https://www.facebook.com/home.php?sk=group_159897940736712&no
 
قصيدة 3 خرفان للشاعر هشام الجخ
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيدة جحا للشاعر هشام الجخ جاااااااااااااااامدة
» قصيدة التأشيرة للشاعر هشام الجخ
» قصيدة رائعه للشاعر هشم الجخ
» قصيدة ( الواد كبر ) للشاعر جمال بخيت
» قصيدة جميلة للشاعر عمر بهاء الدين الإميري

صلاحيات هذا المنتدى:لاتستطيع الرد على المواضيع في هذا المنتدى
سيدى سالم :: منتدى الشعر :: شعر العامية-
انتقل الى: