مستشفى سيدى سالم المركزى

اعتقد ان هذا الكلام فية من الصدق القليل ونحئ ادارة المستشفى عى هذا المجهود الرائع ولكن لابد لنا من ايجاد حلول للسلبيات الموجودة داخل المستشفى الى الان لم يتم الانتهاء من تجديد المستشفى فلقد زهبت للمستشفى ليلا وكادت قدمى ان تنكسر من السلالم امكسورة من الدر الاول الى الدور الثالث والانوارمغلقة وبذلك يسبب نوع من الرهبة لدى العاملين والممرضين لدى المستشفى وخاصة العمليات والحضان كما ان سقف الحضان بة تسرب للمياة اثناء فترة الشتاء وذهبت باخى الى استقبال المستشفى فلم اجد طبيب متخصص لامراض القلب وبعد مداولات مع مدير المستشفى اتصل عى طبيب ولكنة اتى بعد نص ساعة من عيادتة الخارجية كما اننا زهبنا الى العناية المركزة فلم نجد عناية خالية وبعدهذا نقول ان المستشفى كلها ايجابيات لابد من البحث عن السلبيات اولا حتى نستطيع ان نجعل المستشفى من احسن المستشفيات فى المحافظة اللهم قدبلغت اللهم فاشهد

شكرا دكتور صلاح الشاذلى
الى كل من اجتهد وصابر وقدم كل ماهو جديد له الشكر والتقدير
فعلا انا لمست بنفسى فى اجازتى السنوية السابقة ان مستشفى سيدى سالم صار من احسن المستشفيات
من حيث النظافة والخدمة الممتازة للمريض وتواجد الاطباء بأستمرار
اهتمام الممرضات بالمرضى احسن من الاول
فعلا الدكتور صلاح قدم مجهود جبار واهتم واعطى المستشفى كل وقته
وراجع بنفسه الكبيرة والصغيرة فكانت هذه النتيجة المفرحة والممتازة
فنقول لهذا الرجل شكرا جزيلا
نتمنى ان يعطيك الله الصحة لتكون فى خدمة مرضى مركز سيدى سالم
والنجاح بأستمرار فى ادارة هذا الصرح الطبى

لم اكن اريدالتحدث فى موضوع المستشفى مرة اخرى ولكن عندما اقرا ان معظم الاعضاء مصرين على رفع القبعة الى ادارة المستشفى على عملهم الجاد تجاة المستشفى فلا يجوز لى ان اعترض وانا ايضا ارى ان المستشفى حدثت لها تطورا ملحوظا فى عهد مديرها ولا استطيع نكران ذلك ولكن احب ان اوجة رسالة الى الاخت التى تتهمنى باننى الكلام الذى ذكرتة عار من الصحة فارجوا من الزميلة ان ترد لى عن اسئلتى اذا كانت هى الممثل الرسمى للرد على اسئلة المستشفى
الحضان الا بتتكلم علية بالفعل تم اضافة حضان جديد واقول حضان اى سرير جديد ليستوعب الاعداد الهائلة وبالفعل تم تركيبة اما كلامى فكان واضح هو مبنى الحضان وليس حضانات الاطفال ومن الممكن التوجة الى مبنى الحضان فى الشتاء حتى ترى ان السقف يسقط مياة ام لا
اما عن السلالم المكسورة فنحن جميعا نرى المجهود المبذول لترميم المستشفى ولكن الى متى ستظل هذة السلالم مكسورة الى ان نجد كل يوم اشخاص يصابون بعاهات وكسور نتيجة الوقوع من هذة السلالم
لماذا لانحاول تجنب الخطا قبل وقوعة
ولماذا نحاول اخفاء الحقائق امام الناس
هى حقيقة واقعة امام عيوننا جميعا ومن لايرى يذهب الى هناك ليرى بعينة
ومن لايرى فاعتقد انة لايريد ان يرى الحقيقة
وفق الله الجميع لخدمة بلدنا ومدينتا سيدى سالم
والشكر كل الشكر الى الموقع لاتاحتة لنا حرية الراى والتعبير
عن ارائنا تجاة مديتنا التى اتمنا ان تكون اجمل مدينة بالعالم

انسة بسمة
ليس لى علاقة محبة او كراهية للسيد الدكتور/ صلاح الشاذلى
ولكن كل ماارجوة منكى ان تنزلى على ارض الواقع اذهبى الى المستشفى ليلا
واصعدى الى الدور الثالث من على السلالم وتوخى الحزر
واشكرك على ردودك

ياستاذة بسمة
كل ماتحدثت عنة موجود الى الان ولم يكن من فترة قديمة كما تقولين والدليل على مااقولة ممكن حضرتك تقومى بزيارة بسيطة الى المستشفى لتشاهدى بعينك ان كل ماذكرتة بخصوص السلالم المكسورة موجودة الى هذة اللحظة والاغرب من ذلك اننى نبهت قبل ذلك من ان يؤدى السلالم المتهالكة دى تعرض العاملين بالمستشفى للكسر وهاهى توقعاتى قد حدثت بالفعل واصيبت ممرضة تعمل بقشم الجراحة للكسر فى قدمياها يوم الاربعاء الماضى الى متى سنتظر الى ان نجدكل يوم كسور واخاف الا يستوعب قسم العظام من الحالات التى تاتى اليهم بسبب الاهمال
اما بخصوص الحضان بالفعل تقوم ادارة المستشفى بعمل حضانات جديدة بالدور الثانى ونحن نشكرهم على المجهود الا بيقوموا علية....ولكن متى سينتهى العمل بهذةالحضانات وما مصير الحضان الحالى وللعلم ان الترميمات الان موجودة فوق اسطح الحضان والمياة المتسربة من اعمال الترميم تهدد اولادنا الصفار وبناتنا الممرضات خشية وقوع اى شى من اثار الترميم
كل مااحب ان اقولة اننا جميعا بشر ولابد من ايجاد حلول قبل وقوع ماساة ثم نعود لنبكى على اللبن المسكوب من يشكك فى كلامى فليذهب هناك ويرى ولا داعى لكلمات تكتب دون ان نرى الحقيقة فنحن ابناء البلد ونحب ان نراها اجمل بلد حماكى الله يابلادى

يا جماعة نكون منصفين الى مرحش المستشفى قبل صلاح الشاذلى ميقدرش يحكم عليها
دلوقتى بجد تغيرت كلينا للافضل طبعا واقسم بالله ماهى مجاملة لاحد ولاكنها بقت غير كفاية الكلى الصناعى من افضل وحدات الكلى بمصر كلها وعيادات الاسنان الاجهزة الموجودة دلوقت افضل اجهزة موجودة بس يبقى الضمير للسادة الاطباء ميخربوهاش عشان عياددهم
واخيرااشكرر الدكتور صلاح

ثقافة كله تمام
ما كنت أريد أن أتكلم عن المستشفي العام بقيادة الدكتور صلاح الشاذلي، ولكني كمواطن ذهبت كثيرا للمستشفي وبحكم سكني المجاور لها ، أقول كلمة حق، حقا المستشفي الأن شهدت تطور هائل في المبني ومازال جاري الكثير من الترميمات والاصلاحات للبنية التحتية ، ويرجع الفضل في هذا الي مجهودات مدير المستشفي الدؤوبة، ويتردد علي المستشفي أعداد كبيرة جدا ليل نهار أراها بأم عيني ،وهذا يمثل جانبا واحدا من جوانب التطور ، وهو تطور كمي ، أما ما ننشده التطور النوعي الكيفي الذي مازال غير ملموس بالمستشفي، وهذا ما يجب أن نركز عليه ، ونبتعد عن ثقافة كله تمام ونكيل الشكر والتقدير للاشخاص ناسين أن هذا عمله ويتقاضون عليه مرتبات،

انا مش هاتكمل كتير عن اللي حصل في المستشفي لان الدكتور صلاح خالي ولكن انا هارد علي الاخ محمد برد اتقال قبلي اللي راح المستشفي قبل الدكتور صلاح مايمسكها هو اللي يقدر يحكم فعلا حتي لو كان فيه بعض السلبيات مازالت موجوده لكن لو عملنا مقارنه بسيطه قبل وبعد هانلاقي ان حصل تغيير كامل في كل شئ وده اللي بنقوله ان الراجل قدر يغير الوضع داخل المستشفي 360 درجه وان وجدت بعض السلبيات التي اذا ما قورنت بالوضع قبله فسوف تكون نسبتها ضئيله جدا جدا جدا

جميع الاخوة الزملاء يهاجموننى ولا اعرف لماذا ولماذا تعتبروننى الشخص الوحيد فى مدينة سيدى سالم الناقد لشخص الدكتور/ صلاح الشاذلى وكما قلت قبل ذلك انةليس عداوة او كراهيةتجاة شخصية الطبيب ولكن كل ماقلتة ان هناك سلبيات مثل الايجابيات التى تتحدثون عنها جميعا انا معكم ان المستشفى قد شهدت تطور فى البنية التحتية فى عهد مدير المستشفى واعلم ان الدكتور متواجد باستمرار داخل المستشفى ولكن لنكن صرحاء مع انفسنا
اولا ان الدولة تعطى مدير المستشفى مرتب كبير نظير ادارتة للمستشفى وذلك لانة متفرغ بعد اغلاق عيادتة الخاصة اذا فوجودة باستمرار داخل المستشفى بحكم عملة الذى يتقاضى علية هذا المرتب
ثانيا/ كل ماركذت علية من السلبيات داخل المستشفى هو امر واقعى ويمكن لحضراتكم الذهاب هناك لمعرفة الحقائق
ثالثا/ اخيرا تم تركيب السلالم التى حزرت من خطورتها على العاملين
رابعا/ لازال الحضان فى حالة سيئة وتتساقط المياة على ممرضات قسم الحضان واتحدى اى شخص يكذب كلامى
واخيرا اتمنى ان تكون اراء السادة الاعضاء موضوعى وبناء وليس للتهليل والتمجيد لشخصية الادارة
ووفقكم الله فى النهوض بمدينة سيدى سالم للخير والسعادة

أري أن كلام الأخ الفاضل الشاذلي يستحق وقفة من الجميع معه وليس ضده، ولكي نطور صرح طبي بمثل المستشفي العام ، يجب أولا أن نقف علي السلبيات والاشكاليات داخل هذا الصرح ، النقد الموضوعي مطلوب ، والوقوف علي السلبيات أولا مطلوب ،.
ما رأيكم أن كل عضو بالمنتدي يرصد سلبية بالمستشفي . ويوضح لنا رؤيته لعلاجها؟
ما رأيكم أن كل عضو بالمنتدي يرصد إيجابية بالمستشفي. ونشاركه جميعا في توجيه الشكر لإدارة المستشفي عليها؟

اولا المستشفى فيها سلبيات وفيها ايجابيات لكن الدكتور صلاح الشاذلى مش هيقدر لوحدة يغير كل دة امال الدكاترة دورهم فين وبعدين المستشفى شهدت تطور كبير فى عهد الشاذلى اولا وحدة الكلى بقت متاحة للجميع ويوجد بها احدث الامكانيات وتجهيز عيادة الاسنان وغير الترميمات التى تحدث فى المبنى القديم والسراير الموجودة بالاستقبال والعنابر نظيفة وبعدين الدكتور الشاذلى متواجد فى المستشفى ليلاً ونهاراً المفروض اننا نرفع من معناويتة مش نحبطة وبعدين قبل الدكتور الشاذلى ما يمسك ادارة المستشفى كان فيها عجز فى الصيدلية وكان المريض لا يحصل على الادوية من المستشفي وكان هناك همجية فى الحضور والانصراف وكانوا الدكاترة فى عيادتهم من الساعة 10 دلواتى اختلف الوضع لما الدكتور الشاذلى مسك الادارة تقريبا انعدم 90% من السلبيات واتحولت الى ايجابيات يبقى المفروض نشكرة مش نحبطة وانا اقدم شكرى واحترامى وتقديرى للدكتور صلاح الشاذلى لما قدمه من مجهودات للنهوض بمستشفى سيدى سالم العام

اولا المستشفى يوجد بيها سلبيات ويوجد بها ايجابيات بالنسبة للسلبيات انا بشكر الدكتور الشاذلى على انه قدر يغير العديد من سلبيات المستشفى ويحولها الى اجابيات ومنها اولا قبل الدكتور الشاذلى ميمسك الادارة كانت الصيدليه الخاصة بالمستشفى بها عجز وكان العديد من المرضى لا يحصلوا على الادويه الخاصة بهم اما دلواتى الامور اختلفت الادويه بقت موجودة وتحولت السلبيات الى ايجابيات يعنى 90% من السلبيات بقت ايجابيات وبعدين بالنمسبة للحضور والانصراف اختلف الوضع قبل كدة كانوا الدكاترة بيكونوا فى عيادتهمك من الساعة 10 لكن فى عهد الدكتور الشاذلى الحضور 8.30 واللى بيتأخر بيتشطب عليه يعنى بيراعى ان المستشفى فيها مرضى يعنى فيه نظام وبعدين كفايه وحدة الكلى ووجود احدث الامكانيات بها وعيادت الاسنان والتجهيزات الحديثة اللى فيها وغير الترميمات التى تتم فى المبنى القديم يبقى مش نحبط الدكتور الشاذلى بل بالعكس احنا لازم نشكرة على المجهودات التى بذلها من اجل النهوض بمستشفى سيدى سالم العام فا انا اقدم احترامى وتقديرى وشكرى للدكتور صلاح الشاذلى وذلك لمجهوداته العظيمة .

maxpayn انا معاك فى ان كل مستشفى فيها اهمال وسلبيات لكن فيه حاجة مهمة انا محافظ او وزير صحة قبل ما اختار مدير لمستشفى مش بروح اجيب واحد سورى حرامى واعينة مدير وينهب المستشفى لكن فيه معاير على اساسها باختار مين ينفع ومين مينفعش وبعدين بالنسبة للدكتور الشاذلى هو مش محتاج اولا فى مهنته يعتبر افضل دكتور امراض نساء وتوليد على مستوى المحافظة وبالنسبة لنزاهته و الامانه مش محتاج انى اقول عن امانته اى شىء والا مكنش يصبح امين الحزب الوطنى لمركز سيدى سالم وتاريخه العلمى يشهد له بذلك ونجاح العديد من العمليات له كفيله بالرد على اى كلام يقال

افضل دكتور ده اظن محدش سمع عن الاسم ده قبل كده واحب اضيف رد للاخت بسمع ولاخ محمد ان طول ما فى فساد مفيش اى خطوه هتبقى ايجابيه فى بلدنا لان الفساد موجود فى كل مكان واحب انوه بالعلم للاخت بسمه انها ديما بتحامي للمستشفى لدرجه انى حسيت ان المستشفي دي بتاعت جوز خالتها فى الاول والاخر حاميها حراميها
وتقبلوا مرورى على صفحتكم

ولكن على حد علمى وعلى مايقولة الناس ان مدير المستشفى سرق الرخام القديم وانشاء بة منزلة الخاص

وياريت محدش يقول علينا من اعداء النجاح والحاقدين

الاخ محمود زكريا بيتكلم عن مين بالظبط المدير الحالي ام السابق لو بتتكلم عن الحالي اقدر اقولك ان بيت مدير المستشفي مبني من 20 سنه وعلشان تطمن مافيهوش رخام وابقي روح اتفرج الفيلا بتاعته مكانها معروف ياريت عدم رمي الناس بالباطل وياريت اكتر تعرفنا بنفسك محمود زكريا ايه ؟؟؟
لان اللي بتتكلم عليه ده خالي وياريت حتي لو ها ننقد او هانقول سلبيات يانكون متأكدين منها يا بلااش

ياشباب ياريت بلاش تجريح فى اى شخص فى المنتدى وبلاش نتهم اشخاص بلا ادلة
اذا كان وضع المستشفى مش عاجبك يااستاذ محمود من حقك ان تنقدة وتعرفنا بالسلبيات التى تراءها واذا كانت تعجبك عرفنا الايجابيات
الدكتور صلاح راجل محترم كانسان يعرفة الصغير والكبير
اماعن عملة من حقك الا يعجبك طريقة اداءة ولكن ليس من حقك التجريح فية
وعلى فكرة يامحمود انا اول واحد انتقدت الدكتور صلاح على السلبيات داخل المستشفى
ولا زلت انتقدة لحد ماالاقى المستشفى نفخر بها جميعا
ارجوا ان تراجع نفسك فى تجريحك لشخص الطبيب
وفقك الله للخير

استاذ محمود ياريت بلاش ترمى الناس بالباطل ودة انا عن نفسى اسميه حقد وكراهية للشخص ذاته اما عن الرخام اللى بتتكلم عنة فيلا الدكتور صلاح الشاذلى مفيهاش رخام نهائى وعلى ما اظن انك تقدر تروح وتتفرج عليها والعنوان ميتوهش ارض الشركة وبعدين فيه حاجة رايحة عنك تماما ان الدكتور صلاح مش محتاج لانه مقتدر مادياً وياريت اللى يكتب حاجة يكون واثق منها ويتكلم باسمة الحقيقى وبعدين دى كلها اشاعات واذا كنت بتعمل كدة من مصلحة حد تانى بلاش تكون من مين اللى بينساقوا سورى فى اللفظ ( .............)

maxpayn يا استاذ الدكتور اللى بتقول محدش سمع اسمة دة يعتبر افضل استشارى امراض نساء وتوليد فى مركز سيدى سالم ومحافظة كفر الشيخ وافتكر انك لو نزلت الشارع وسألت عنه الاسم دة اكيد هتعرف مين هو الدكتور صلاح الشاذلى وفيه مقال فى المصرى اليوم ابقى اقرأه وانت تعرف وياريت نفصل بين العلاقات الشخصية والكراهية والمصالح وبين الانتخابات واظن كدة حضرتك فهمت0

الاستاذ اللي بيتكلم قبلي وبيقل ادبه ولو هو طبعا شخصيه محترمه كان يعرف هو بيتكلم عن مين وبينقد ازاي
اولا : مدير المستشفي عيادته مغلقه من اول يوم اتعين فيه مدير للمستشفي
ثانيا : العلاج علي نفقه الدوله شئ ليس هو المسؤول عنه لانه ليس وزير للصحه او رئيس جمهوريه العلاج علي نفقه الدوله بيكون له كمسيون طبي خاص به من وزاره الصحه
ثالثا : البلد كلها اجمعت ان المستشفي حالها اتغير 360 درجه للافضل في وجوده ولو كان في باقي بعض السلبيات لان ده طبيعي لان ما كامل الا محمد صلي الله عليه وسلم والكلام التافه اللي قولته مابيقولوش غير قله قليله حاقده وليس لها الا الكلام التافه

maxpayn الاستاذ اللى مش ذاكر اسمة وبالتالى انا مقدرش اسميه غير حاقد ومن اعداء النجاح الدكتور اللى بتتكلم عنه دة زى مقال الاستاذ سامى ان عيادته مغلقة منذ ان تولى منصب مدير المستشفى وان مكانها موش يتوه طريق دمرو عمارة العطفاوى الدور الثانى اما بالنسبة حال المستشفى سىء او غيرة انت متقدرش تحكم على حاجة متعرفش عنها اى شىء وبالتالى ياريت تبطل ترمى الناس بالباطل والسلبيات هو عمل اللى يقدر علية وحول السلبيات الى ايجابيات فبدل منشكرة نهاجم فيه مفتكرش ان دة عدل ولى طلب عندك ياريت تبقى تذكر اسمك وتواجه مش تهرب وبالنسبة للعلاج على نفقة الدوله زى ما تفضل الاستاذ سامى وذكر انه من وزير الصحة ومش معقول الناس كلها اللى اجمعت على التغير وجهود الدكتور الشاذلى غلط وانت صح ياريت تراجع الاحداث وتتكلم عن بينة مش تهاجم عمال على بطال

السلام عليكم
واضح ياشباب ان الحوار بين الاعضاء اصبح غير لائقا بالمنتدى واصبحت امور شخصية بين الاعضاء
الاستاذ/maxpayn يهاجم مدير المستشفى بسرقة رخام المستشفى وتحويلة الى منزلة ويحول المرضى الى العيادة الخاصة بة ولا يعلم ان مدير المستشفى لابد ان يكون متفرغ لعملة لابد من اغلاق عيادتة
اذا ليس على العضو المحترم دليل واحد على اتهاماتة للدكتور وقد نصحتة قبل ذلك من عدم اتهام الاشخاص بدون دليل وانا مع الاعضاء ان يعرفنا العضو المحترم بنفسة وشخصيتة
الشئ الثانى الذى اتضح لى من خلال مناقشات الزملاء هو الرد المباشر فقط من الاستاذ/ سامى الدوانسى وعلى علمى فهو بن اخت الدكتور واصبح الحوار شخصى للغاية بين عضو والدفاع من ناحية قريب الدكتور وكنت اتمنى ان يرد جميع الاعضاء الموجودين بالمنتدى حتى يكون لهم الراى فى التجريح من قبل الاعضاء
اما الاخت بسمة فكما عرفتها دوما مدافعة عن اى انسان مسئول من قبل الحكومة لماذا لا اعلم
واوجة سؤالى الى المسئولين على المنتدى ماهى الضوابط التى اتخزتها المنتدى للحماية من الكلام الجارح والخارج ( دكتور نساء وتوليد معرفش بصراحه مجربتش اكون حامل واولد)
كيف يستطيع عضو ان يدخل حوارمع عضو اخر ويقول لةهذا الكلام من الممكن بعد ذلك ان نجد الكلام قد اخذ شكل اخرمن الصعب ان يتحملة الاعضاء والعضوات
فى النهاية ارجو الرد من الاعضاء ومن القائمين على المنتدى
ولابد لنا جميعا من وقفة حازمة تجاة تلك الموضوعات التى تسئ الى شبابنا وابنائنا وبلدنا
وفقكم الله للهداية والخير للجميع

استاذ محمد اشكرك على الاهتمام اما بالنسبة الى دفاعى عن مدير المستشفى فهذا لانى اعرفة معرفه شخصية يعنى ابنت اخية ودفاعى عنه عن دلائل وبراهين واعلم مالم يعلمة البعض بحكم عملى و لم يكن حياد له او للمسئولين اما بالنسبة للتجريح من العضو المحترم فا انا ارى انه يجب الغاء عضويتة بالمنتدى وهذا ما اطلبه من الاستاذ كمال العيطوى المسئول عن المنتدى واتمنى الرد من سيادته على ذلك 0

استاذ اولا انا طلبت من حضرتك ذكر اسمك والافصاح عن شخصيت وللاسف انت متقدرش تواجه علشان كدة بتهرب بردود ملهاش اى وجه من الصحة اما بالنسبة للاستاذ محمد الشاذلى فهو من اشد الناس بالبحث عن الانتقاضات الموجودة بالمستشفى وبعدين ياريت بلاش ترمى الناس بالباطل وطالما هو مش موضوع شخصى ياريت تنزل لارض الواقع وتعرفنا بحضرتك وياريت يا شباب نبطل نمشى ورا ناس للاسف مش عارفة هى بتعمل ايه كل شغلتها الكلام والمهاجمة وبعدين روح المستشفى وشوف ايه اللى حصل فيها

تم إلغاء اشتراك العضو maxpaynمن المنتدى إلى غاية الثلاثاء نوفمبر 30, 2010 12:03 am

يااخ maxpayn2 مش لازم عشان اسمى محمد الشاذلى اكون قريب صلاح الشاذلى
يعنى انا قريب كمال الشاذلى كمان لا يااستاذ مجرد تشابة اسماء فقط فليس يربطنى بالطبيب اى قرابة وعن دفاعى عن الدكتور هو مجرد توضيح لحضرتك ان احنا بلاش نتهم اشخاص بدون دليل واذا كان عندك دليل واحد وضحة امام جميع المنتدى ونحن سنقف معك لانك سيكون معك الحق اما غير ذلك فلايجوز الاتهام وانت يعجبك لو احد اتهمك بالسرقة او الكسب غير المشروع او سوء الاخلاق ماذا سيكون رد فعلك مع هذا الاتهام
وعلى فكرة لو قرات جميع الردود الخاصة بى فى موضوع المستشفى ستجد اننى اكثر الاعضاء هجوما على مدير المستشفى ولكن بوقائع وادلة حقيقية من سلبيات موجودة داخل المستشفى دون تجريح او اهانة لشخص المسئول
تقول فى نهاية رسالتك انك متاكد ان المستشفى فى انهيار يوم بعد يوم ارجو منك ان تعرفنا حقيقة الوضع اكثر من ذلك وماهى السلبيات الموجودة من وجهة نظرك حتى نذهب ونشاهدها ونحكم عليها لعلنا نجد حلول لذلك
دعوة المظلوم ليس بينها وبين الله حجاب تقول وعزتى وجلالى لانصرنك ولو بعد حين
والسلام عليكم ورحمة الله وبركاتة

انسة بسمة
لدى اقتراح اتمنى ان ينال ثقة المشرفين على المنتدى الا معرفش حد فيهم وبما انك نقلتى خبر ايقاف عضوية maxpayn2 يعنى انكى من المشرفين فى المنتدى
واقتراحى هو عدم قبول عضوية اى شخص فى المنتدى بدون ذكر اسمة الحقيقى وعدمالدخول بااسماء وهمية من الممكن ان تسئ الى المنتدى وليس المنتدى فقط ولكن تسئ الى سيدى سالم بالكامل كما انة لفت نظرى شئ غريب ارجو الا ستفسار عنة
الادارة اوقفت عضوية maxpayn2 ولاحظت وجود نفس الاسم ولكن بدون رقم maxpayn
هل هى مجرد تشابة اسماء ام انة شخص واحد ارجو الرد
وارجو دراسة اقتراحى ولكم كل الاحترام

استاذ محمد شكرا لاهتمام حضرتك والرد علينا وثانياً بالنسبة للاقتراح اللى حضرتك بتقول عليه احنا لازم فعلا نرفض دخول اى عضو فى المنتدى الا باسمة الحقيقى وياريت يا شباب نستخدم المنتدى فى كل ما يفيد مركز ومدينة سيدى سالم موش نعمل للاساءة لهذا المركز وبالنسبة لاسم العضو maxpayn ، maxpayn2 هو اسم لشخص واحد وتوقف العضو عن المنتدى ليس حياد لاى شخص مهما ان كان درجة القرابه به ولكن حتى لا يتجرأ اى شخص فيما بعد للاساءة الى اى عضو بالمنتدى

واااأسفاااااه
إذا كان هذا أسلوب الحوار بين مثقفي وشباب سيدي سالم . فباللله عليكم أتنتظرون تقدم أو تطور أو تغيير يشهده مركزنا وقراه؟
كنت متوقع من خلال هذا المنتدي أن يحدث تفاعل وحوار نحصل من خلاله علي معارف ومعلومات ، ونكون مفاهيم ، ونكتسب مهارات تساعدنا علي الابداع والابتكار والتفكير النقدي الذي يساعدنا علي تقييم نظم ومؤسسات مثل مستشفي سيدي سالم .
ألستم معي جميعا أن الموجود حول المستشفي من نقد وتحليل تحول الي نقد شخصية مدير المستشفي، دون أدلة واقعية أو حقيقيية، ودون معلومات ومعارف حقيقية حول المستشفي العام،ومن وقف بجوار المستشفي ومديرها ومدح وشكر ألا يدركون أن شهادتهم مجروحة.
ياشباب نريد ثقافة حوار حقيقية يمتلكها كل من يبدي رأيه حول أي موضوع.
نريد الابتعاد عن ثقافة ليس في الامكان أبدع مما كان، بل في الامكان أبدع مما كان.
أتقــــــــــــدرون علي ذلكــــــــــــــــــــــــــــ؟

يا سيدي احنا ما بناخدش فلوس من حد بس لو تحب نتقابل رجل لرجل واتناقش معاك بكل أدب واحترام انا تحت امرك وانا داخل بأسمي وتقدر توصلي بسهوله وعلي كل الكلام اللي قولته جزاك الله كل الخير

السلام عليكم ورحمة الله وبركاته
كل سنة وانتوا طيبن
عندى سؤال عن سبب التراجع ولكن عندى رد ليك ولاى حد تانى يحاول اساءة السمعة لاى شخص سواء ان كان
قال تعالى <اذ جاءكم فاسق بنبأ .فتبيونوا ان تصيبوا قوما بجهاله .فتصبحوا على ما فعلتم نادمين > صدق الله العظيم

وحدة الكلى بمستشفى سيدى سالم المركز

بسم الله الرحمن الرحيم

اشكر جميع الاعضاء المشاركين فى هذا الموضوع ومن الجميل ان نفتح مواضيع تهم المواطن وانه فعلا مستشفى سيدى سالم المركزى شهدت فى هذه الفترة اروع تقدم لم تشهدة من قبل وخاصة ان الفترة السابقة كان هناك اختلاسات وخاصة فى الصيدلية وعدم توافر الادوية وتطرق الاعضاء عن الحديث عن الدكتور مدير المستشفى باسلوب غير حضارى ومثقف انا لا اسمية سوء اعضاء التقدم والنجاح
واتمنى ان يوفق الله الدكتور الشاذلى فى ادارة المستشفى ورجوعة من الحج باذن الله

هو المنتدى ده معمول علشان الأستاذ محمد الشاذلى والأستاذه بسمه الشاذلى والأستاذ سامى الدوانسى الشاذلى يدافعوا عن الدكتور صلاح الشاذلى والدكتور محمد يحى الشاذلى . هو ده دور المنتدى . أنا كنت داخل المنتدى وفاكر انه له دور فى توعية وتنوير أبناء سيدى سالم . يا فرحة ما تمت

من غير تجريح يااستاذ محمد الفقى
لو عندك رد تقدر تتكلم ومفيش اى صلة بالاشخاص الا بتتكلم عنهم تشابة اسماء ليس الا
وانا مش هغير اسمى عشان مش عاجب حضرتك
والمنتدى مش خاص لعائلة الشاذلى
المنتدى خاص بابناء سيدى سالم
وقائد المنتدى رجل محترم كلنا نقدرة ونحترمة هو الاستاذ كمال العطيوى
واعتقد ان المنتدى ملئ بالشخصيات المحترمة
ياريت يامحترم تختار كلامك بعناية اكثر من ذلك
وشكرا

ههههههههههههههههههههههههههه
انا بجد اسف على الضحك لانى بجد مش مصدق اللى مكتوب من الاخوة الاعضاء واى واحد بيكتب فى شى التانى عاوز ينقدة باى طريقه فعلا دى طريقه الحوار
ولاكن الكل اكلم على المستشفى فى المبنى الادارى وكرم الدكتور صلاح على اللى بيعمله
وتركتم الاجهزة والعلاج وجودة الدكاترة والممرضات
اعتقد انكم جمعيا لا تعرفوا بان تكلفه الترميمات ممكن تساوى تكلفه البنى من اول وجديد
لاكن شعب مصر بيحب الترميمات ولا عندة فكر كم عمر المبنى اصلا
تصميم المستشفى القديم لا بد من تعديل بتصميم جديد
وفى شى مهم حدا الترميم اللى اتى للمستشفى مش بفضل احد ولاكن بفضل وزارة الصحه

واتمنى ان يصلكم راى البسيط بينكم

الأستاذ / محمد الفقى
السلام عليكم
هذا المنتدى مولود جديد ومفتوح لجميع الآراء واتمنى أن تشارك به وتكتب ما يروق لك
بعيدا عن التجريح ومراعاة لأصول الحوار ، أما حديثك بأنه خاص ب ( س ) من الاعضاء
أو المشرفين فهذا غير حقيقى ... ونحن فى انتظار آرائكم ومحاوراتكم وتعليقاتكم ...

المنتدى يا أخى الكريم مفتوح لكل أهالى سيدى سالم

الدكتور الفاضل / محمد احمد
اعتقد انى مش بنقد احد على الاعضاء ولكن بطلب بس من الاعضاء انهم يتكلموا فى المواضيع بحرية وشفافية وبدون تجريح فى احد من الاعضاء
كل واحدمن حقة انة يقول رائية فى كل شئ يراة من وجهة نظرة سلبية ويطرحة امام الاعضاء للمناقشة هذا ماطلبتة من العضو المحترم الا شبة المنتدى بمنتدى ال الشاذلى

استاذ محمد
واللى انتى شافيه فيه حريه وشفافيه ولا فيه تجريح
انا برئى البسيط بالنسبه لكم ان الحوار بين الاعضاء فيه نوع من السلبيه واسميها السلبيه الفضوليه
رغم احترامى للدكتور صلاح وهودكتور ممتاز جدا
الا اننى اعلم ان كل شى فى المستشفى ليس له دخل فيه ولا اى حد غير المشرفين من وزارة الصحه الذين يمرون على المستشفيات لان هذا يكتب فى تقاريرهم
وفيه شى مهم جدا هل الاجهزة التى تاتى الى المستشفى ستكون بكفائه عاليه وحديثه والسؤال الاهم هل الدكتور الذى يعمل على الاجهزة الحديثه سيعلم ما فيها ويعلم كيفيه استخدامها
اوعى حد يبلغنى ان دكتور خريج التسعينات يعرف درايه الاجهزة
انا شايف ان المستشفى سيقابل مشكله كبيرة جدا فى الاجهزة وهل توافق وزارة الصحه بارسال اجهزة حديثه ومتطورة للمستشفى السؤال صعب جدا
وشكرا

السلام عليكم ورحمة الله

الاستاذ محمد الفقى اولا احب اذكر حضرتك بشىء قد يغيب عنك المنتدى خاص بأبناء سيدى سالم وليس خاص بأبناء( عائلة ) الشاذلى ونحن كما ذكر الاستاذ محمد الشاذلى لن نغير اسمائنا لانها لم تروق لسادتك ولكنى اعتز بهذا اللقب وافخر انى احمله ولو هناك فرصة لكى اجد منتدى يسمى بهذا اللقب لفعلتها اما بالنسبة لكلامك عن الدفاع عن الدكتور صلاح الشاذلى والدكتور محمد يحى الشاذلى هذا ليس دفاع بالنسبة للدكتور صلاح الشاذلى اولاً لانه شخص ادى عمله على اكمل وجه وافتكر ان مستشفى سيدى سالم والتطور اللى بيحصل فيها ناتج من الادارة السليمة والانضباط فى المواعيد والقدرة على اتخاذ القرار المناسب اما الدكتور محمد يحى الشاذلى واللى اكيد يفخر بأنه ممكن يحمل هذا اللقب انا موش بدافع عنه ولا حاجة هو مرشح مثل اى مرشح موش معنى انى اتكلمت من غير تجريح فيه يبقى دفاع عنه لو اخدت بالك كويس هتلاقنى بقول رأى فى اى مرشح بصراحة ولو صلاح الشاذلى نفسة كا مقصر فى شغله كنت هقول دة بمنتهى الصراحة

الدكتور محمد احمد

كل الكلام اللى حضرتك ذكرته كويس جدا لكن هناك سؤال المشرفين اللى من وزارة الصحة والمحافظ ووكيل الوزارة لو حضر الى المستشفى فى زيارة ورأى ان هناك اهمال وتقصير سوف يحاسب من الكتور ولا الممرضين ولا مدير المستشفى ؟؟ وبعدين يا دكتور افتكر وبدون حياد مع الدكتور صلاح الشاذلى ان حضرتك لو دخلت المستشفى وسألت الممرضين والدكاترة عن اسلوب الادارة هتلاقى ان هناك تشديد فى الحضور والانصراف وكذلك النبطشيات وكمان التزام الصيادله بصرف الادوية واظن الكل يذكر حادثة الاختلاسات التى كانت بالصيدلية ومخالفات تانية كتير وكمان موش المفروض ان دكتور يقفل عيادته ويكدس كل مجهودة للمستشفى نقوم نحاربه بالشكل دة واكيد سبب المحاربة الحزب الوطنى لازم يكون هناك فصل بين العلاقات الشخصية وبين السياسة والانتخابات اكيد حضرتك دكتور وفاهم يعنى اية مسئولية مستشفى وكبيرة بالشكل دة0

الاستاذة بسمه
التشديد بالحضور والانصراف كويس ولاكن
هل كل شى فى المستشفى حضور وانصراف
طبعا لا فى شى مهم جدا واتمنى انك تفهميه
مهارات الدكاترة والممرضات انا اعلم ان فى ممرضات ما يعرفوا يعطوا حقنه شريان
ولو كان الدكتور صلاح اغلق العيادة بيتاعته علشان المستشفى فاعتقد ان الوزارة ما طلبت منه هذا
وهذا شى من نفسه يشكر عليه ولاكن ما يحملنا كلنا جميل
وشى اخير انتى ما تعرفيه
لانه يتم العمل به فى اكثر مستشفيات مصر (الحكوميه
وهو هناك مدير ادارة فى المستشفى وطبعا هذا مش دكتور لان عمله ودراسته فى ادارة الاعمال
ومدير مستشفى ويسمى هذا باسم مدير الاطباء وهو خاص بالطب فقط
اتمنى انك تكونى فهمانى

الدكتور محمد / بالنسبة لمهارة الدكاترة والممرضات انا مفتكرش انه فية مستشفى سواء كان مديرها صلاح الشاذلى او غيرة يقبل وجود هذا الشىء اما بالنسبة للادارة فان راى لو لم يكن هناك ثقة من المشرفين ووزارة الصحة وغيرهم لم يولى دكتور مثله ادارة مستشفى فالادارة ليست اعمال ادارية فقط بل هى القدرة على اتخاذ القرارات ويجيب ان يكون لدية المهارات والقدرات المعرفية التى تساعدة على اتمام عمله على اكمل وجه واعتقد انة يعتبر فى مجال تخصصة اكثر مهارة من غيرة وسمعته المهنية اكبر دليل على ذلك ولكنى اتمنى من سيادتك الا تربط بين المستشفى والسياسة ( الحزب الوطنى ) ولا تعتبرة موضوع شخصى ولا اريد من اى عضو التحامل على اى شخص مهما كانت صفته