نكت صعايدة

تذكير بمساهمة فاتح الموضوع :

صعيدى فى الجيش واقف تشريفة و فيه ضيف كبير جاى يزور الوحدة فالقائد بيديلهم التعليمات الأخيرة
القائد : أول الضيف ما يدخل تضربوا 21 طلقة تحية للضيف
الصعيدى : و لو الضيف مات من أول طلقة نكمل برضه ؟؟!!

أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح
من الناحية الأخري.

واحد بلدياتنا عمل 2 إيميل، واحد دوت كوم للشتاء وواحد نص كوم للصيف

- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل
الأرض.
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت

واحد بلدياتنا عنده ارق ومش عارف ينام....قال له صاحبه عندي لك طريقة للنوم
مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...
جـاه النوم … قـام غـسـل وشه ورجــع للـسـريـر يـكـمـل الـعـد

بلدياتنا تاجروا في الموز خسروا علشان
بيرمو الموز المعوج

اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير
هناك ، دخلو قعدو جمب واحد فى الصوان بيدخن قال الاول : انفاس معدودة وقال
التانى : كلنا لها رد الراجل : محدش واخد منها حاجة

واحد عصبي اتجوز واحده عصبيه, يوم الولاده... الولد بيقول للدكتور وسع إنت ..

إوعى إيدك ...أنا هأنزل لوحدي

قابلت مذيعة اثنان مساطيل

سالت الاول : مصر بالنسبالك ايه ؟

فقال: مصر دى امى.

ثم سالت الثانى :وانت مصر بالنسبالك ايه؟

قال:مأدرش اتكلم عن أم واحد صحبى

مرة ثلاثة مساطيل الأول قال أنا لو معايا فلوس أشترى نص الكرة الأرضية والثاني قال أنا لو معايا فلوس أشترى النص الأخر الثالث رد وقالهم مين قالكم أني هبعيلكوا.

مرة 3 تلاميذ تأخروا عن الحصة الأولى، ولما وصلوا المدرسة قالت لهم المعلمة أنتوا كنتوا فين؟ الأول قال أنا ضاع منى الخاتم بتاعي، الثاني قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!

مدرس بيقول للتلاميذ اكتبوا ورايا ذهب محمد إلى مصيف بلطيم يوم الأربعاء فطالب سأله لو سمحت يا أستاذ هي الهمزة علي السطر ولا على ألف، سكت المدرس شوية وبعدين قاله خلاص يا ابني خليها الخميس.

واحد في الامتحان مش عارف يحل والامتحان كله صح و غلط، راح مطلع بريزه ولعب ملك وكتابة على امتحان خلص الامتحان في نص ساعة، طلع البريزة تاني ليه؟؟؟ علشان يراجع.

واحد حرامي والثاني ندل فالندل بيقول للحرامي علمني السرقة فسرق محفظة واحد وقالوا اهوه علمني أنت باة الندالة، راح جه مسكوا وقال حرامي

كان مرة واحد كل يوم يحلم بماتشات عصافير فراح للدكتور وقال له اللي بيحصله والدكتور قاله خد الدواء ده النهار دة رد عليه وقال له استنى عشان النهاردة الماتش النهائي

واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو. الباب خبط. مين. افتح بوليس. راح مقطع الخمسين جنيه بتاعة البانجو

مره 2 فشارين بيفشروا على بعض الأول قال أنا كنت في الغابة وجالى أسد شافني اتخض ام ميت. قال الثاني يا خرابي وأنا كنت في الصحراء جالى تعبان جريت منه ورا الباب الأول ام قايله مفيش باب في الصحراء وبعدين قال استخبيت فوق الشجرة قاله مفيش شجر في الصحره التانى قالله عاجبك كده اهو أكلني.

واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "بأبحث عن تاريخ إنتهاء العقد.

ساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا النتائج إلاضراب ..

فقالت الزوجة الفرنسية "أنا قلت لجوزى ميشيل أنا مش هعمل حاجة فى البيت الاسبوع دة كلة" وقالت "أول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى ياحبيبتى".

وقالت الزوجة الانجليزية "أنا قلت لجوزى أنا مش هعمل حاجة خالص فى

البيت الاسبوع ده .. أول يوم مشوفتش حاجة تانى يوم بدا يعمل الاكل تالت يوم عشانى وغدانى برة."

جت المصرية وقالت "أنا قلت لأبو العيال أنا مش هعمل حاجة فى البيت الأسبوع دة" وقالت "أول يوم ماشوفتش حاجة تانى يوم ماشوفتش حاجة

تالت يوم بدات أشوف شوية بعينى الشمال."

مرة واحدة قالت لجوزها "إهدى يا حبيبى كده وارجع زى زمان"، الراجل طلقها و رجع لأيام العزوبية

مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها

واحد بيقول لمراته ... أنا النهاردة عايز رومانسية فى البيت ... راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز

واحده وحشة بتقول لجوزها بكره عيد ميلادى . قالها نقف دقيقتين حداد

مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها

واحد زرع ورده ............ ‏طلعتله ام كلثوم

مرة واحد راح يوكل محامى....... ‏لقاه صايم.

كسلان دخل الامتحان وقع منه القلم .‏ سلم الورقة.

مرة خمسه ‏دخلوا كلية الهندسة اثنين طلعوا مهندسين
وثلاثة مدينة نصر.

مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي..
قاله: ‏طيب.. تعالى اقعد معايا عالقهوة شوية !!

ثلاثة مساطيل قاعدين في سهرة
الأول : ‏أنا عندي فلوس أشتري بيها أمريكا الشمالية
الثاني : ‏وأنا عندي فلوس أشتري بيها أمريكا الشمالية و الجنوبية
الثالث : ‏و مين قالكم إني رح أبيع

صعيدي كسب مليون جنيه خافوا يبلغوه يموت مصدوم ...
قال العمده أنا أقوله.
قال يا محمدين لو كسبت مليون جنيه حتعمل بيهم إيه؟
قال:أديك نصهم ...
مات العمدة

واحد بيقول لصاحبه تيجى نركب اتوبيس؟؟ قال له يا عم لأ ، احنا نجرى جنب الاتوبيس ونوفّر النص جنيه . فرد وقال له طب منجرى جنب تاكسى ونوفّر خمسة جنيه

مرة اتنين خارجين من الامتحان واحد بيسأل التانى عملت إيه قال له سبت الورقة بيضه التانى قاله إيه اللى أنت عملته ده ليفتكرونا غشين من بعض

بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر

مأذون مش لاقى شغل...طلق مراته

(رجال الامن)

:

متقولش إديتنا إيه مصر ,, قول هنِرْعِب مين في مصر



(رجال الاعمال)

:

متقولش إديتنا إيه مصر ،، قول هنسرق إيه من مصر


(رجال السياسة)

:

متقولش إديتنا إيه مصر ،، قول هنسكِّت مين في مصر

(شباب مصر)

:

متقولش إديتنا إيه مصر ،، قول هنروح فين في مصر00

ثلاث تلاميذ محششين تاخروا عن الحصة الاولى قال لهم المدرس كنتوا فين؟
قال الاول ضاع الخاتم بتاعي
ورد التاني كنت بدور معاه
وقال الثالث انا كنت واقف على الخاتم0

********************************
واحد رخم عرف ان الأموات بتحس وتسمع اللى حواليها راح عند المقابر وشغل
الكاسيت على العالى على اغنية(الحياة حلوة)00

مسطول راح المحكمة,القاضى بيسأله انت متجوز مين؟قاله:متجوز واحدة ست,

القاضى قاله انت هتهرج؟أمال فى حد بيتجوز راجل؟

,قاله:اه اختى00

سألو واحد بخيل طحن: تعمل ايه لو الدنيا برد؟

قال: أروح للدفاية.

قالو: ولو الدنيا بردت أكتر؟

قال:أقرب من الدفاية.

قالو: ولو بردت أكتر؟

قال: ألزق في الدفاية.

قالو: طب ولو نزل تلج؟

قال: أشغل الدفاية بقى وأمري لله

********************************
مسطول بيقول لصاحبه: يا أخي إمبارح دخلت فلم هندي هايل بتاع راجل وست
ماشيين في الشارع لقوا طفلة مولودة في اللفة خدوها وربوها لغاية ما كبرت وفي الآخر
طلعت أمهم00

مره وزير الشباب والرياضه راح يفتتح حمام سباحه راح صاحب الحمام بيقوله
ياباشا ده المنط إل 30 متر فراح الوزير ناده علي مساعده.. يا محمدين نط فراح
ناطط, وجه صاحب الحمام قال للوزير, وده المنط 15 متر فراح الوزير ناده.. ياحسنين
نط, فراح ناطط ..فصاحب الحمام قال للوزير.... ولسه يافندم لما الحمام يتملي ميه

مرة واحد كان سايق عربية كارو.. وقفته نقطة مرور

قالت له, معاك ايه؟

قال, كتاكيت..

قالو, بتأكلهم ايه؟

قال, علف ..

قاله, يامغفل أكلهم جاتوه و تورته

قابلته نقطة مرور ثانية قالو, بتأكلهم ايه؟

قالو, جاتوه و تورته..

قاله, يامغفل أكلهم علف...

قابلته نقطة مرور ثالثة

قاله بتأكلهم ايه؟

قاله, اسمع ياباشا انا بدي كل واحد مصروفه يشتري الي هو عايزه00

اربعه صعايدة راحو محطة مصر فشافو القطر طلع قعدو يجرو يجرو يجرو لحد لما تلاتة
حصلوه وواحد بس ملحقش بس كان بيضحك اوى اوى

سالوه انت ليه بتضحك, قالهم :اصلهم كانو جايين يوصلونى00

مرة ابرتين وقعوا على الارض..
واحدة رنت والتانيه بعتت كلمنى شكرا
-

مسطول حاضر عزاء واحدة حلوة
القرئ قال
اذكروا محاسن موتاكم
قال المسطول
الله يرحمها كانت صاروخ!!

صعيدى جاتله رساله حلوة قعد يضحك
اتصل بالى بعتهاله وقاله
والنبى ابعتها تانى

ايه الجمال ده هههههههههههههههههههههههه

جمييييييييييييييييييييييييييييييييييييييييييييييييييييييله

والله مالكش حل في النكت الصاروخ دي اكيد حضرتك دمك خفيف كده برده ياريت حضرتك تعبرني صديق في المنتدي