ناقش معى من هو الاحق باصواتنا

السلام عليكم ورحمة الله وبركاتة
برحب جدا بالسادة الحضور جميعا وبشكرهمعلى المشاركة القوية واتمنى من الله ان يكون كلامى سهل على الجميع
انا من مؤيدين الحاج ماهر المصرى وبقوة واتمنى من الله عز وجل له التوفيق والنجاح لانه من الشخصيات التى قلما تجد منها فى هذا الزمان انه رجل خدوم وخجول وقوى الشخصية ومحنك ومتكلم وفاهم ولديه عبقرية قوية وكل من يحاول ان يعيب فيه يقول شئ من اتنين يقول مثلا مش بيعرف يتكلم انا اتحدى اى شخصية تقعد معاه يقدر يقول الكلام ده لانة رجل متكلم جدا وفاهم جدا وعنده وعى فكرى وهل من العيب انهارده ان الانسان يكون مرتاح ماديا ومن سنين السنين الكل يعلم عنة انه يخدم الفقير قبل الغنى هو واخوتة لدية اربع مستشارين المستشار مصرى على مصرى بالنيابة الادارية -المستشار محمد على مصرى بهيئة قضايا الدولة والمستشار صلاح المصرى بمجلس الدولة وابنة المستشار محمد ماهر بهيئة قضايا الدولة ولدية اثنان فى الشرطة وطول عمره هو واخواتة لهم خدمات على كل من يقصدهم ولن يوجد احد منهم قد اثر فى يوم من الايام فانا اجد منهم رجالا قادرون على التغيير والوصول بنا الى مستقبل افضل وكل من يرى غير ذالك انا مستعد للمناقشة وفتح باب الحوار مع اى حد عندة راى تانى

الاحق باصواتنا اللى بيخدم البلد مش اشخاص
عيب علينا ان بلد ذى سيدى سالم ما يكون فيها شى يذكر مثل مصنع كبير يجمع شباب البلد
او اى شى يساعد على نهوض البلد
الحاج ماهر المصرى انا بحترمة جدا واعرفة كويس جدا لاكن طيب زيادة عن اللزوم وخجول جدا ولو واحد بكى امامه ممكن يبكى مثلة
والحاج ماهر اغنى من ان يكون عضو مجلس شعب

alknas_mh انت قرأة افكارى الناس دى كلها عايزة منصب على حساب الناس الغلابة اناقلت اقبل كدة الراجل دة عمرة ما عمل حاجة للناس ولا ها يعمل وبعدين احنا عايزين برنامجة الانتخابى مش السيرة الزاتية

ياريت الاستاذ الذى لا يبغى مصلحة ده يكون كلامه باسلوب محترم شوية مش عن الحاج ماهر بس عن جميع المرشحين ليه تصفهم بالكلاب ياله من زمن نعيب فى الناس والعيب فينا لا يوجد احد فى يتكلم عن الاستاذ على موسى الا واذا كان لديه مصلحه انه نزل مركز سيدى سالم كى يشترى اصواتهم ويملى فمهم وماذا انتظر من واحد وصف بنى ادم الذى كرمه الله بالكلب اكيد لا انتظرة منه كلمة حسنة ولا انتظر منه راى صائب
الحاج ماهر المصرى هو واخوتة طوال عمرهم لم ولن يغلقوا بابهم وطوال عمرهم يؤدوا اى خدمه بدون انتظار شكر من احد لو انت حقيقى صادق قولى انا فولان وزهبت فى يوم من الايام اليه هو او اخوته ولو من زمن بعيد وقفل الباب فى وجهى او لم ينفذ لى المطلوب منه ممكن اكون مخدوع فيه ياريت ارى انسان اصلح او احسن من هذا الرجل وانا اوعدك بالوقوف بجواره ومساندته حتى اخر لحظه
اه وعلى فكره هحاول اكلمه واقوله اى شئ تطلعه لوجه الله فى المساجد او كده ابقى اعمل بيه اعلان ومنشور وصورة فيديو زى الاستاذ المحترم على موسى علشان محدش يقول ان انت مش بتدفع حاجة لله

يا محمد يا محمود انت زعلان جامد اوى كدة لية الحاج ماهر وغيرة نازل الانتخبات مش للناس ودة مستحيل نازل للمصلحة الشخصية 100/100 ثم انت قلت الكلام يكون محترم شوية على الكل انت محترمتش على موسى فى كلامك

يا شباب
انا ارى ان اى شخص نازل الانتخابات مطمن على اصوات قريتة واهلة واصحابة واكيد واخدهم
السؤال متى اعطى صوتى لشخص قدير بيمثيلى فى مجلس الشعب وعندة القدرة الكافية بان يكون عضو مجلس شعب ؟
الاجابة عن السؤال عندكم جميعا
ولكن اننا جميعا لم نسمع اى مرشح تكلم عن الخطة الزمنية له خلال اربع سنوات
انا لم اسمع هل تكلم احد عن المياه والصرف الصحى والكهرباء والطرق انا لم اسمع
كل الكلام عن هذا انه كويس والثانى وحش
ارجوا من كل مرشح ان يكتب برنامجة الانتخابى لكى نعلم من الصادق
وشكرا

السلام عليكم ورحمة الله وبركاته
** الاستاذ محمود طرح موضوع كويس جداً لكن احنا كدة بنستخدم المنتدى للدعاية الانتخابية ومع ذلك يجب ان نهتم بالموضوع ويكون هناك ثقافة اكثر وايجابية فى المناقشة وبلاش الالفاظ التى تقلل من قيمة صاحب الرد
** اولا الحاج ماهر المصرى انسان محترم وكويس جدا واهله ناس كويس هذا لا يمثل خلاف لدينا ولكن عندى سؤال ليه هو داخل الانتخابات ؟ مع انه يملك المال ويقدر يخدم الناس وهو خارج المجلس ودة للاسف موش بيحصل ولم نرى شىء قد فعلة ولكن عندما يملك السلطة ومال ماذا سوف يحدث؟
** نحن فى حاجة الى مرشح لدية وعى ثقافى وسياسى ويكون قادر على التحدى والتحدث وتحويل الايجابيات العديدة التى حلت بمركز ومدينة سيدى سالم وعلى سبيل المثال مشكلة اختلاط مياه الشرب بمياه الصرف والذى نتج عنه ان اكبر نسبة من فيروس c موجود بمركز سيدى سالم والعديد من السلبيات 0 ؟؟؟؟؟؟؟؟؟؟؟؟؟؟؟؟؟؟؟؟؟

لو قلنا ان فلان دخل الانتخابات لية الحقيقة مش هنلاقى مرشح فى الانتخابات
كلنا نعلم جيدا ان الانتخابات اصبحت الدجاجة التى تبيض زهبا
الاترون ان جميع الاعضاء جميعا اختاروا عدد من المرشحين بعينهم كاامثال
على موسى ماهر المصرى واعتقد ان الاثنين اكثر اموالا من بقية الاعضاء
افهم من هذا ان المال هو المسيطر على الانتخابات ومادام المال موجود ماذا يبقى؟
السلطة صح فهو الحماية للمال ولكن ماذا عن بقية المرشحين
هل من الممكن ان نجد مرشح فقير ولكن هذا المرشح لدية امال وتطلعات جديدة
ابحثوا ايها الاعضاء المحترمين فى بقية المرشحين ولندع خلافتنا جانبا من اجل البلد
وارجو من الاعضاء المحترمين احترام المنتدى وعدم اهانة الاشخاص

الاستاذ محمد
لفظ جميع انه لفظ عموم وشمول وفية اعضاء لم يختاروا مرشحين وانا واحد من الناس لو ما لقيت مرشح صادق لم اعطى صوتى لاحد
وعموما المرشح الصادق والنزيه بيكون معروف لدى الناس من قبل ما يفكر يدخل الانتخابات
لاكن ياترى من هو؟

اختلف معاك ياميمى قليلا فى حديثك
لست مع الاصوات التى تنادى بعدم التصويت فى الانتخابات
واعتبرها سلبية من المرشحين
ولوافترضنا ان جميع المرشحين ليس لهم دافع لخدمة البلد وان مايهمهم هو الكرسى
فلنعلن شعارنعم للتصويت ولا للسلبية
ونختار اقلهم سوءا
لابد ان نحكم ضمائرنا فى الاختيارلانها امانة فى اعناقنا ولا نلتفت لتلك المهازل التى تحدث الان

السلام عليكم جميعا ورحمة الله وبركاتة
مبدئيا احنا ليه مش بنسأل محمد ليه بيدافع عن ماهر المصرى كده ممكن يكون ليه مصلحه شخصية وممكن يكون قريبة وممكن يكون من معارفة واصحابة
انا جلست مرة وحيدة مع ماهر المصرى وعلى فكرة اقسم بالله ان هو شخصية محترمة جدا ومثقفه وانا الى رحت له اتعرف عليه وطلب منى كده اخويا لانه كان بيتمنى يرد الجميل للمستشار حسنى المصرى شقيق الحاج ماهر لانه وقف بجواره عندما وخدمه عندما احتاج اليه والناس دى نزيهة لاقوى درجة ممكن تتخيلها وما المصلحة الشخصية التى من الممكن ان يبغيها رجل بمثل ثقل هذا الرجل اقسم بالله اقسم بالله انه ندما ندم شديد على دخوله وخوضه هذه الانتخابات لانه كان لا يعلم ان كل هذا سيحدث ويتمنى الانسحاب منها وعدم التكملة فيها انه كان سيد قرارة كان ملك متوج فى مكانة انه اعتبر هذه الانتخابات كابوس يكتم انفاسه يتمنى الخلوص منه وللاسف بعد دخول رجل فى حجمه وفى ثقلة من الصعب جدا الانسحاب لمنع القيل والقال وبعدين عنده السلطة مش محتاج للسلطة بس للاسف عائلتة واخواتة حبم يكرموه فرشحوه وهو يعتبر هذا ليس تكريم بعد ما راه من الانتخابات فهذا الرجل قوى قوى جدا واقسم بالله اقسم بالله انه احسن وافضل المرشحين لخوض هذه الانتخابات واقواهم ايضا لما اجده من حب الناس له

متشكرين على التوضيح دة يا محمد يا ريت كفاية كدة

للاسف دايرة سيدى سالم موش فيها العضو القدوة او حد مشهور فى حزب او شخصية عامة ولا حتى وزير اللهما الا احمد العماوى ومش مرشح نفسة عندنا يعنى مفيش حد يقدر يجتمع علية الكل مثل حمدين صباحى او رجب حميدة ولا كن الاختيار بيكون قبلى يعنى كل واحد بيختار ابن بلدة فى الاول وفى الاعادة بتتقسم التقسيم الطبيعى شرق وغرب يعنى من الاخر يا عضو من الشرق الى يكسب يا عضو من الغرب هو دا الى بيحصل مثلا انا موش مع حد معين ومفيش مرشح قدم احلامة للدايرة او برنامجة ولا حد قدر يكسب صوتى بس لانى من بلد بجوار الورق فملزم انى اعطى صوتى للدكتور محمد لانة فى الاول وفى الاخر ابن بلدى وزى ما بيقولوا اولى من الغريب بردة فى الغرب الكل هيدى لسيد احمد لانة اولى من الغريب وللعلم لو سالت اى مرشح هيقولك انة بيعتمد ع بلدة اما سيدىسالم كا مدينة بيقولوا انها عمرها ما نجحت مرشح واصوتها بتبقى مفرقة اذا القبلية هى الى هتحسم الانتخابات الدورة دى كمان

الموضوع مش موضوع شرق وغرب واللى حصل فى دورة 2000 مش هيتكرر تانى أنا مثلا من غرب سيدى سالم واقدر اقول لك ان 90% من

غرب سيدى سالم مش هيدوا لمرشح من الغرب بالعكس هيدوا لعلى موسى لانك لو نزلت أى عزبة فى الغرب هتلاقى على موسى عامل فيها خدمات

بصراحة على موسى عمل فى شهور اللى النواب ما عملهوش فى سنين وعلشان كده على موسى لو دخل حزب أو مستقل هينجح يعنى ان شاء الله

يكون نائب 2010 وانا باتمنى انه ينجح لانه شاب متفتح ونشيط وطموح .

السلام عليكم ورحمة الله

اللى كان بيحصل ايام رفعت الشريف وحافظ بدوى وغيرهم موش هيتكرر تانى وانا من رأ ولا اى عضو من المرشحين يستحق صوتى واللى بيقول على موس عمل فى شهور اظن انه لما ينجح هيحصد اللى عمله فى شهور فى ايام وللاسف كله على حساب الناس عضو مجلس الشعب انا بعتبرة مثل الحكومة ( مصاص دماء ) ليس غير ذلك
ولنا الله

لا مش كلهم فيه مرشحين ونواب محترمين ومخلصين واللى اتعود يعمل خدمات عامة وهو بره المجلس اعتقد انه هيعمل اكتر لما يكون داخل المجلس . لان اللى اتعود ينفق على مصالح الناس ده بيكون طبع فيه . لكن اللى نجح بتعاطف الناس الغلابة وبعد كده انقلب عليهم وراح يخدم الأغنيا وفاكر انهم ماسكين البلاد وبيسوقوا الناس قدامهم بالعصايه . واللى كان داخل المجلس مش معاه تمن البدله اللى كان لابسها وفى نص الدورة بقى من الأغنيا وصاحب أطيان من قوت الناس الغلابه وبيع التأشيرات . هو ده مصاص الدماء.

يا استاذ محمد فكر شخص يدفع الفلوس دى لخدمة الناس لية بيخدم الناس فى القوت دا بالذات ؟؟؟؟؟ اظن احنا موش هبل للدرجة اننا نصدق انة راجل خير وبيعمل دا لوجه الله .....وبعدين فين على موسى دا مين 3 سنين اظن اننا اول مرة نسمع عنة وعنة كرمة وكل خيرة ال مالى بية الدايرة ى اليومن دول بس دا شغل انتخابات زى ما عادل غنيمى فى كفر الشيخ عامل مدخ المحافظة ع حسابة ومبنى امحافظة كلة اسمة تبرعات علشان يحطها ف السى فى بتاعة للمرشحين وبعدين هو لو رجل خير هيعمل من غير ما يقول مش يعمل حاجة علشان الناس كلها تقولهاااا

ياشباب
والله اعتقد ان المنتدى بقى ممل من كتير على الاستاذ على موسى
على موسى هو اللى عمل كل شى فى البلد تعرفوا انه كمان بنى الاهرامات
والله ما عقليه فكر دى انا مش معاه ولا اكون معاه

الأخ د/ محمد أحمد

أتمني أن تكون حيادي في رؤيتك
وياريت تعرفنا عليك عن قرب

وكثرة الجدل والكلام حول شخصية
مثل لأستاذ/ علي موسي ، فإنما تدل
علي تأثير شخصيته في عقل ووجدان
الشعب، (وأنت خير من يعرف ذلك)

فالأنسان القادر علي استخدام ما في متناول
يده من وسائل بحكمة، فإن مستقبله لن يصبح
فاجعة، وإنما نتيجة وثمرة لجهده.

فالرجاء نبتعد عن الانحياز الفج، والكلمات
التي تهدم أكثر ماتبني، فمن حق الجميع
أن يحلم ويطمح.ومن حقنا أن نحكم عقلنا
ونتحكم في أقوالنا.

أنا مش عارف ليه فيه أعضاء فى المنتدى بتسخن قوى لما تيجى سيرة الأستاذ على موسى وطبعا هم أسماء معينة ، عموما احنا بنحترم الجميع .

السلام عليكم ورحمة الله

نحن ليس على خلاف فى ان كل المرشحين لمجلس الشعب سواء تابعين
للحزب الوطنى او دخولهم مستقلين لكن كل اللى يهمنا مين فيهم اللى هيخدم الشعب ومن غير ميستنى المقابل وكمان السعى بين الجمع بين المال والسلطة والنتيجة اننا نوقف قصاد بعض من اجل اختيار مرشح وهو ولا فى دماغة الناس كلها المهم عندة السعى وراء الكرسى وانة ينال ثقة الحزب الوطنى

والله انا من رايى نقفل الموضوع دة احسن علشان بيحرق فى الاعصاب