دكتورمحمد فتحى
المشرف الذهبى
عدد المساهمات : 173
تاريخ التسجيل : 15/10/2010
العمر : 54
الموقع : السعودية
 | موضوع: آخرقصيد للفاجومى ( عن الانتخابات )  الجمعة 5 نوفمبر - 16:20:04 | |
| نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
*****
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
*****
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
*****
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا ف حالة غياب
متعملش لينا يا ريس حساب
دي عزبة سيادتك و فيها انت حر
*****
و دستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و ايه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي دوره
| |
|
مياده رائف
عضو
عدد المساهمات : 142
تاريخ التسجيل : 29/11/2009
| | موضوع: رد: آخرقصيد للفاجومى ( عن الانتخابات ) الخميس 11 نوفمبر - 15:03:03 | |
| حلوه كتيييييييييييييييييييييير | |
|
دكتورمحمد فتحى
المشرف الذهبى
عدد المساهمات : 173
تاريخ التسجيل : 15/10/2010
العمر : 54
الموقع : السعودية
| | موضوع: رد: آخرقصيد للفاجومى ( عن الانتخابات ) الخميس 11 نوفمبر - 15:27:16 | |
| شكرا ميادة على ذوقك وعلى مرورك . | |
|
محسن شرف الدين
وسام العطاء والتميز
عدد المساهمات : 247
تاريخ التسجيل : 03/12/2010
| | موضوع: رد: آخرقصيد للفاجومى ( عن الانتخابات ) الأحد 19 ديسمبر - 15:11:44 | |
| بجد دكتور /محمد
جامده جدا | |
|
