مصر دى امى!!!!!!!!!!!!

يا ساجية دورى عدى فوجى ودوسى

نصبوا عليا وشحتونى فلوسى

ربطونى فيكى حتى ما اتتتتغميت

هما اللى فرحوا ووحدى أنا اتتتغميت

...أنا اللى صاحب البيت عايش بدون لازمة

...ولما مرة شكيت إدونى

بلــــــــجزمة

بلــــــــجزمة

مش لاجى تطفح اديك

...

مش لاجى تطفح اديك

هاتولنا وجيبولنا ودونا خلونا هنجيب منين ندينك

مش لاقة تطفح اديك

طافح يا بلدى غدايا ولوعتى غدايا

كل الاحبة التجو واتجمعو عداى

أنا اللى زارعك دهب بتأكلينى سباخ

إن كان دة تجل ودلع بزيادة دلعك

بــــــاخ

لا شفت فيكى هناولا شفت فيكى ترف

كل اللى فيكى

جرف(قرف)

كرامتنا متهانةواللجمة بإهانة

بتخلفينا ليه لما انتى كارهانا

يعنى ايه تبقى إنتى هبة النيل يا مزة

وكل يوم المية تجطع

يعنى ايه لما اشتكى غلو الفاتورة يقولو تشكى

بس تدفع

أما جلادك على ولادك بيبطشو

أما علمك ما يلاجيش يآكل فيطفش

يعنى ايه نرفع ايدينا بالسلام لجل الغزاة

ويعنى ايه لما ابقى ماشى فى حالى

اتشد اشتباه

يعنى ايه لما اتحبس أربع سنين حبس احتياطى

حبس اعتباطى

يعنى ايه مش حاسة بالعمر وغلاوته

بتصبى مر العمر ليه دة انا كنت ح اوهب لك حلاوته

أنا عمرى ما أتأمرت ولا حطيت شروطى

ومكان ما ترسى مركبك بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

دة انا كل شبر فى أرضك اتمرمغت فيه

وكل يوم عشتيه أنا اتغذبت بيه

بتكرهينى عيونك السودة وأيامى اللى فاتت

مانتيش حبيبيتى من النهاردة

حـــبيبتى ماتـــــت

علا صوت أدانك جرسفى الشدة صاحينلك من

امتى كانوا الحرسهما اللى باقينلك

بعتينى علشانهم وعنيكى معصوبة

ياهلترى خاينةولا زيى مغصوبة

كل الكلام اتقالوالشعر بقى ماسخ

والصبر علو جبال والظلم شىء راسخ

وطن وغرجان فى النطاعة

كل شىء ريحته

نطاعة

علمونا بالعصاية ورضعونا الخوف رضاعة

علمونا فى المدارس يعنى ايه كلمة قيام

علمونا نخاف من الناظرفيتمنع الكلام

علمونا ازاى نخاف وازاى نكش

بس نسيوا يعلمونا الاحترام

فمتزعلوش لما ابقى مش باسمع كلامكم

وماتزعلوش لما ابقى خارج عن النظام

مستنى ايه من طفل ربوه بالزعاج غير المشاكل والخناج

كل اللى بيقولك بحبك دول نفاج

أنا لما جلتللك بحبك

كان نفاج

الحب يعنى اتين بيدوا

مش ايد بتبنى وستميت تيت تيت يهدو

الحب حالةالحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

يعنى أعيش علشان هدف

علشان رسالة

يعنى احس بقيمتى فيكى إنى مش عايش عوالة

يعنى لما اعرق تكافئيى بعدالة الحب حالة

الحب مش شعر وقوالة

الحب حاجة ما تتوجدش فى وسط ناس بتجيب غداها من صناديق الزبالة

بارت مراعينا والبئر قد جفَ

والجوع يكوينا والصبر ما كّفى

والقلب لا يهدا والجرح لا يشفى

ولأننا طوع زنا لهم خفا

جاءوا بموكبهم

واشتغلت الزفة

الدفة مظبوطة وأصلا مافيش دفة

والكفة مش مايلة علشان مافيش

كفة

و جحا اللى جاى بالليل لساه بيتخفى

شايف ديدان الغيط سارحة ومرحماشى

من جبنه شاف الدود سابه وراح

ماشى

ولا اتكسف للناس ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ...

ماشى

الدود قاعد لك يا جحا ولابد فى طينك

بعد ما يمص فى دمانا مش حيحلاله الا طينك

احنا اهلك احنا رجالتك أمانك

إحنا وقت الشدة سندك إحنا زادك

يــــــــــــــا جحا احمى ولادك

.

.

.

.

لو كنت عايز تحمى طينك

سوف أرحل ربما يلقانى من ارجو لقاه

هامشى ويا الشحاتين وابكى على حلمى اللى تاه

بس مش هاشحت رغيف

هشحت وطـــــــــــــــــــــــن

هاشحت وطن .....See more

الله عليك يانجم .. عودا حميداً فينك يابنى ليك كام يوم مش باين عساك بخير
القصيده دي لمين ؟

لا والله اصلى كنت مشغول بالا شىء ههههههههههه القصيدة دى لهشام الجخ

ااااااه تصدق الواد دا مابينزليش خالص جدا ابدا

يا راجل طيب اسمع القصيدة دى وقولى اية رايك

الكلام جااااااااااااامد عارفها البومبو كان مزهقنى بيها فى مصر