مبروك يا وطنى ....على سلامة منقول

على فين يا وطنى



على فين..



وحياتك يا كل أغانى العشق



دى مش مستهلة حتى



دمعة عين..



وتقولى مفيش فرحة قريب



وأنا أقولك



طب قولى منين..



على فين..؟



عارف..



لو بس يسجل شيكابالا



وتفرح جماهير أبوخطين المجروحة..



لو خرج الأهلى من الحالة



وهزم الدراويش وسموحة..



لو بس تألق أبوتريكة



ما هى لا مؤاخذة



جزمة أبوتريكة كفيلة تدارى



كل بلاوى وطنى المفضوحة..



وتصدر مرسوم شعبى..



بإن نتيجة الانتخابات



إيه يعنى..



وإن الأحياء زى الأموات



إيه يعنى..



ومادام هدف واحد فى الدورى



قادر يبعدك.. ويرجعنى



ويخلينا من تانى فريقين



يبقى أبيعك بقى



ولا تبعنى..



كل عمليات البيع مسموحة..



على فين يا وطنى..



على فين..؟