كنت بحلم ( شعر كمال العطيوى )

حلم

كنت بحلم يوم ما شفتك
نبقى بحر وموج وليل
بحر مليان من حلاوتك
مَيتـُه تحيي العليل

كنت بحلم نبقى ضحكة
بين قلوب الفرحانين
كنت بحلم نبقى بسمة
بين شفايف مرتاحين

كنت بحلم نبقى كلمة
بين حكاوى المغرمين
كنت بحلم نبقى لمسه
بين حنايا المشتاقين

كنت بحلم نبقى شمعه
بين ليالى الشوق تقيد
كنت بحلم نبقى فرحه
كل يوم يبقى لها عيد

كنت بحلــــــــــــــــــــــــم
بس يا خساره صحيت !

شعر

كمال العطيوى

ا

ارسل اليك تحياتى تعبر
عن امنياتى
شاعر جامد اوى
خارج مش شاعر فهلوى
ياعم كمال يا
حبيبنا انت شعرنا واديبنا
عملاق فى واصف مشعرنا
يا عطيوى يا حبيبنا
شعرك ساكن واجدانى
واهلى وخلانى
صفحات سجلك فى ذهنى
لاستاذ كبير من اهلى
ما اهى دوله ايما بتقدر
ومشاعرى دايما بتعبر
الله ينور على شعرنا الكبير اوى اوى