لو نفسك ............ انزل يوم الثلاثاء 25 يناير

لو نفسك

لو نفسك ما توقفش تانى فى طابور العيش
لو نفسك ما توقفش تانى فى طابور انبوبة البوتجاز
لو نفسك ما توقفش تانى فى طابورالعا طلين
لو نفسك فى مرتب يكفيك انت و ولادك
لو نفسك فى معاش يكفلك حياة كريمة فى شيخوختك
لو نفسك ما تتعذبش تانى فى قسم الشرطة
لو نفسك تانى ما تتحبس لانك مش قادر تدفع قسط
لو نفسك تلاقى شقة وتتجوز
لو نفسك تاكل لحمة ونفسك تلاقى تمنهاه
لو نفسك تاكل رغيف عيش من غير مساميرولاعقاب سجاير
لو نفسك عيالك ياكلوفراخ ومايموتوش من انفلوانزا الطيور
لو نفسك تاكل خضار وفاكهة من غير مواد مسرطنة و مش مروية بمياه المجارى
لو نفسك تعيش سليم من غير سرطان..فشل كلوى..فيرس سى..عجز جنسى..انفلوانزا الخنازير
لو نفسك تشرب مياة نظيفة مش مخلوطة بالمجارى
لو نفسك تشم هواء نظيف مش ملوث
لو نفسك تلاقى علاج ادمى وما تموتش لان كل ذنبك انك فقير
لو نفسك فى عبارة مابتغرقش..فى قطار ادمى ما بيولعش..فى طرق سليمة تسافر عليها وترجع بعداها لبيتك واهلك و ولادك
لو نفسك فى صحافة حرة زى صحافة ابراهيم عيسى..مصطفى بكرى مش زى صحافة
عبد اللة كمال.. اسامة سريا.. ممتاز القط
لو نفسك فى اعلام نظيف زى حمدى قنديل..محمودسعد..منى الشاذلى مش زى اعلام تامر امين..خيرى رمضان
لو نفسك العالم العربى يرجع تانى يحترمك ويبطل يقول انك خاين..عميل لاسرائيل والامريكان
لو نفسك انزل يوم ٢٥ ينايروسمع العالم كله صوتك
لو نفسك فى الحرية انزل يوم ٢٥ او لتصمت زليل للابد

٢٥ يناير

اشمعنة

لو نفسك ............ انزل يوم الثلاثاء 25 يناير W3N93799

25 يناير هو يوم عيد الشرطة
والفكرة انك تخرج يوم عيد الشرطة تطلب
حقك من النظام ومن الحكومة
هو الناس مش فى الدنيا ولا اية
https://www.facebook.com/ElShaheeed?ref=ts

لحد امتى هنفضل عايشين في ذل وهوان وقمع وخوف بسبب قانون الطوارئ؟
لحد إمتى هنشوف المصري بيتهان مش بس في بلده لا وكمان بره بلده؟
لحد إمتى هنفضل ساكتين وراضيين بالأوضاع الاقتصادية المزرية؟
لحد إمتى الشباب هيفضل مش عارف يشتري شقة ولا يتجوز؟
لحد إمتى هيكون فيه أكتر من ٢ مليون عاطل على القهاوي؟
لحد امتى هيفضل فيه دكتاتورية في الحكم وحزب مسيطر على كل البلد؟
لحد امتى هيفضل القانون مش بيتطبق غير على الضعيف؟
لحد إمتى هنفضل ساكتين وراضيين ومتهانين؟
لحد امتى هنرضى إن العالم كله بيقول على المصريين جبناء وبيخافوا؟
لحد امتى هيفضلوا يضحكوا علينا ويقولوا خليك في أكل عيشك؟

الإجابة: لحد ما كلنا نتحرك ونفوق مع بعض لأن مفيش حكومة تقدر تقف ضد مطالب الشعب لو احنا وقفنا كلنا مع بعض.

يوم 25 يناير كلنا هننزل من بيوتنا عشان نطالب بحقوقنا
يوم 25 يناير مش هنبقى ساكتين .. لأ هنصرخ وهنقول للظلم لأ
يوم 25 يناير هو بداية شعلة المطالبة بالتغيير الفعلي في مصر
خلاص زهقنا .. ومش هينفع تسيب بلدنا تضيع أكتر من كده

كلنا نتحرك .. كلنا ندعو أي حد نعرفه إنه ينزل من بيته يوم 25 يناير في كل مصر
هنحدد أماكن للتظاهر والاعتصام ومش هنتحرك مهما حصل
قوموا يا مصريين واكتبوا التاريخ

معاك يا أستاذ محمد ، وستجدني أن شاء الله أول واحد في المكان المحدد لذلك ، وسأدعو معي جميع الأهل والأصدقاء، ولكن!!!!!

هل بهذه الطريقة نستطيع أن نصحح الأوضاع في مصرنا ، ونحصل علي حقوقنا التي أشرت إليها، والتي أؤيدك فيها وبكل قوة، أم ستتحول مصرنا بهذه الطريقة الي فوضي؟؟؟؟؟؟

لا ننسي أن شعب 80 مليون ، وليس 5مليون أو 10 مليون كباقي الدول العربية الأخري.
بمعني أننا لو قلدنا غيرنا (تونس)، ستتحول البلد الي فوضي عارمة وخراب ودمار لا نعرف مداه أو نهايته.

لكن ليس هذا معناه أن نقف مكتوفي الأيدي ، لالالالالا، يجب أن نتكلم ونقول للحكومة وفي جميع وسائل الإعلام والمتعددة في عصرنا الحاضر ، أن لايستهانوا بما حدث من حالات انتحار متتالية ومتعاقبة في زمن 48 ساعة كانت هناك أكثر من أربع حالات إنتحار.

أن لايستهانوا بمطالب أبناء الشعب ، وأن يعوا جيدا أن الكلمة دائما للشعب، وأن ينزلوا لنا من أبراجهم العاجية الي الدور العاشر علي الأقل كي يشعروا بما نشعر به ، وإلا سينزلوا مجبرين الي البدروم.

ولذلك سأكون معك يوم 25 يناير ، يوم التغيير، يوم الإرادة المصرية.

عضو عدد المساهمات : 31 تاريخ التسجيل : 31/12/2010

وزيره القوى العامله اعطت اجازه فى يوم 25 يناير هههههه
غبااااء كده الناس هتكون فاضيه والمظاهره هتكون اكبر

مفيش حل يا حكومه التغيير قااادم ان شاء الله
ومعادنا يوم 25
على بركه الله

والله ياجماعة انا مع التغيير والمطالبة به ولكن خايف على الشعب والمصادمات والضحايا اللى ها تحصل لان الطرف الاخر سواء الشرطة او الجيش ايضا من الشعب واى ضحايا ستكون من الشعب اتمنى ان تكون المظاهرة سلمية ووقفة يعرفوا بها فقط كم العدد الذى يطالب بالتغيير حتى لايقولوا انهم قلة

واتمنى ان يعرف المستشارين والنظام كم العدد الغاضب ويبلغوا بالرقم الحقيقى

تحيا مصر

لونفسك مصر تكون دولة عظمى
كل مواطن يجتهد فى مجالة
وعلى اللة قصد السبيل

الله عليك يا استاذ محمد انت ثائر حقا وربنا يوفق البلد واهلها في المرحله القادمه

محمد بك ربنا يخليك
اشكرك

.

كان نفسى يكون عندى هذا الاحساس منذ زمن

كنت اعرف قبل الثوره ان هناك فساد ولكنى لم اتخيل حجمة الحقيقى

ولو لاحظتم ردى سابقآ

انا كنت بقول ده كلام فاضى و لست بمؤمنآ بهذا الكلام

فما معنى ان نخرج ونعبر بطريقة ديمقراتية فى بلد ليست ديمقراتى

فالاخ المحترم ابو ادهم هو لا يقل عن شباب التحرير بل انه منهم

والحمد لله انه نصفنا على هؤلاء الذين دمرونا سنين
اخوكم الجاهل بدونكم :
محمد جمال

عفوا اخى محمد جمال

ناس كتير كانت مخدوعة فى النظام واعوانة

ونحمد اللة انك والكثير اكتشف حجم الفساد الموجود

لكم كل التحية اخى الفاضل

احيى الرجل الشجاع الأخ المناضل الاستاذ محمد على موضوعه
ويكفى اننا على الطريق وسوف نصل لتكلمة اهداف الثورة حتى النهاية

شكرا لك أخى الاستاذ : محمد عبد الرازق المحامى
لا أملك إلا أن اقول لك

اللهم لا رجما بالغيب ......................... ولكنها حسن بصيرة
ـــــــــــــــــــــــــــــــــــــــــــ

» انزل احتفل بمرور سنة على ثورة 25 يناير
» رجل ابكى الرسول و انزل جبريل مرتين..؟
» عالج نفسك
» ولا تزعل نفسك
» تخيل نفسك جهاز كمبيوتر