راجعين تانى

وبقول راجعين
حاسين وشايفين و سامعين ومفتحين
وبكرة جاى وبعدة جاى والفرق كبير اوى بين الاتنين

اول ما مبارك ساب الحكم حاجة غريبة مش انا بس اللى حستها كلنا حسيناها, حسيت انى اول مرة اتنفس, اول مرة اشوف فيها بلدنا
معرفتش انام, قلت بكرة الناس هتنزل وهتغير وهتطور , كل واحد شاف حلم لية, نزل يحققو, قلت طعم الحرية فعلا جميل, حتى وانا مش فيها بس برضة طعم الحرية جميل , وانك تحس بان لك قيمة وكرامة شيء مش قليل.

دا كان حلم 11/2/2011 يوم ما الراجل قال انا ماشى

امبارح الدنيا كلها اتغيرت معايا, الراجل رجع بصوتة وقال سألاحق كل مين ومين ومين......
مش عارف لية خفت
مش من كلامة ابدا والله بس على الجراة الغير عادية اللى اتكلم بيها.
وكأنة بيقول مش خايف . قلت دا اهبل وبدور وشى لقيت مصر اخبارها اية
كل يومين تلاتة اربعة لمين بعضهم ورايحين التحرير, كأنهم رايحين يمضو ولا يحجو. اعتصام اغتصام اعتصام
اول ما الاعتصامات بدأت وانا قلت عادى طعم الحرية جميل. الناس عاوزة حقوقها ومقدرش الوم على واحد طول عمرى مجوعة وف مرة احط لة سفرة كبيرة مليانة اكل واقول متاكلش.دا مش هياكل دا زى ما بيقولو هيفسد فيها. هياكل من هنا حتة ومن هنا حتة ومش هيشبع برضة عازرة علشان جعان. بس خلاص كدة بجد كفاية.

(الاخوه والاخوات ابناء شعب مصر) !! ياسلام هيسمعنا كلام شبعنا منه وكرهنا الخطابات بسببه وكان وصلنا لمرحله ممكن نكره بلدنا بسببه واي شاب تسأله طموحك ايه يقولك نفسي اسافر بره ومرجعش تاني اهو غاااااااااار بس المصيبه هو راجع يتكلم بصفته ايه دا متهم بمصايب عايز يدافع يبقي في اماكن الدفاع المخصصه لذلك حتي صوته كارهين نسمعه
وقال ايه( متمنيا لمصر وشعبها الخير والتوفيق والنجاح) وانت الصادق دا نفسه يشوف البلد مولعه ويقعد يهوي عليها
(ولا املك ان التزم الصمت) صمت ايه يا ابو الهول دا انت يا ما سكت عن فساد وجوع وهلاك وتشرد ومصايب ومش بس كده كنت انت المسبب ليها
الراجل ده نزيه ومحترم هو والمحروس ابنه جمال وعلاء والسفيره عزيزه
انا حاسس انه مظلوم ولا ايه
لو كان بيدي لقتلته الاف المرات

» مستشفى سيدى سالم " شكل تانى "
» لية ديما بنقول مش هنحب تانى !