صفوت

أحلامك ... وقعت قدامك

وبحد .... السيف

ابكى ... وكتير ياما بكيتنا

بفساد ايامك ... يا شريف

دى دموع تماسيح ... ولا دموعك

بتنقط ... زيف

يا حرامى ... من الصنف الفاخر

والشغل ... نضيف

غربت الضى ... على عيونا

والعدل ... كفيف

ياما كلت فى بطنك ... أموالنا

وبطونا ... بتحلم برغيف

لم التربيزه ... وشيل ورقك

سنيورتك ... بانت يا خفيف

ظهرت ... وانكشفت خلقتها

واستاهلت منا ... التسقيف

دور على مين ... يسند ضهرك

ويقوى فى شوكتك ... يا ضعيف

اسيادك .... سكنوا الزنزانه

اتفضل ... من غير تكليف

وشاويشنا ... أستاذ فى الواجب

وبيعرف ... أكرام الضيف

--------------------
بقلمى

الأستاذ ... محمد الشاذلى
شرفنى مرور حضرتك
بارك الله فيك
ودمت بكل الخير

الأستاذ محمد الشباسى
اسعدنى مرور حضرتك
الشله الفاسده كتير قوى يا استاذ
عاوزين موسوعه لكن هحاول
تحياتى لحضرتك ... ودمت بخير

الأستاذ ... كمال
شكرا على هذا التقدير
واعد حضرتك لتقديم الجديد بأذن الله
سعدت بمرورك .. ودمت بخير

الأستاذ الفاضل ... محمد ابو الفتوح
لاتعدد يا استاذى فهم اكتر من اهم على القلب
وعلى فكره كتبت قصيده فى جمال قبل
هذه القصيده ..وما قبل الثوره كانت قصائدنا
اكثر سخونه وغضبا تفريغا للضغوط
ولم نكن نتصور انه سيأتى هذا اليوم ابدا
سبحان الله عندما قصدنا واخذنا بالأسباب
لم يردنا خائبين ...
تحياتى استاذ محمد لمرورك الطيب
ودمت بكل الخير

شكرا استاذ .. محمد جمال
على المرور والمتابعه
بارك الله فيك ... ودمت بخير