محافظ كفر الشيخ والتبرعات

مش عارف يا استاذه بس انا من رأيي ان التبرعات دى ممكن تعمل حاجه بس طبعاً مش توصل لمص دم المواطن .. يعنى مثلا جنية الطابع اللى فى مديريه الامن قسم تصاريح العمل اعتقد دا بيعمل مبلغ وقدرة اخر كل يوم لان هناك عدد كبير جدا من المواطنين يوميا بيخلصوا اوراقهم وكذلك اللى فى الجوازات لو التبرعات دى للمحافظه مش للمديريه فهى كفيله جدا بتغطيه المحافظه بسقف معلق عشان الحر بجد حاجه رهبيه ثانيا تبرعات الجامعه اول ماقالو اهننفصل ونكون جامعه لوحدنا نزلو حاجه اسمها طابع جامعه بخمسه جنيه كان الطالب مننا يدخل على اى مسئول يقوله صباح الخير يديلوا طابع جامعه عشان يقولو صباح النور وامنى نفسي ان فلوس الطوابع دى ساهمت فى الشكل الحالى لجامعة كفر الشيخ لانها كانت مش على طلاب الجامعه بس كانت فى جميع المصالح الحكوميه على مااعتقد انا شخصيا كنت مشجع الفكره مع انها فعلا مصت دمنا بس اهو بقى فيه فى كفرالشيخ جامعه واحيت المحافظه .. كل ما اقصده ان التبرعات لو فعلا بيتعمل بيها حاجه وطبعا تكون فى مقدرة الجميع مش هتضرنى بالعكس هتفيدنى ولو مافدتنيش انا هتفيد اخويه او ابنى بعدين لما يلاقى محافظته فى الشكل اللى اتحرم منه اللى قبله .. وطبعا كلام حضرتك اكيد مصادر موثوق منها .. وزعلت جدا على المحافظ بتاعنا رغم انه حلو انا حاسس انه انسان كويس

استاذه بسمه اولا احييكى على الموضوع الجامد جدا ده
ثانيا يا سى بلبل هى معاها حق فى الكلام ده مليون فى الميه لان طبعا الكلام بتاع التبرعات ده
بقاله فتره كبيره شغال وكان من المفروض انه يبان اى حاجه على المحافظه انا مش هقول زيك بقه
تصريح العمل او الجامعه هو كفايه جدا موضوع تاخيص المبانى ده كفيل انهيعيش المحافظه كلها فى نعيم

والدليل الكبير على كده انه فى برنامح تليفزيونى كلموه بيسأل مش فاكر على كام مليون كده راحو فين
بكل ثقه رد على المذيعه قالها انتوا بتحاسبونى على كام مليون انا مدخل للمحافظه اكتر كام مليار مش فاكر الرقم بالظبط

اظن الرد يشرح المعنى المقصود بيه

والله لو ماكانتش التبرعات فعلا لبنا المعاهد والمدارس هى ممكن تكون رايحة فى صالح اخر

ممكن يكون فى النهاية غرضة خدمة المواطن المصرى فى محافظة كفر الشيخ على ما اعتقد

تحية حب وتقدير للأستاذة بسمة والأستاذ مستشار السفر، علي هذا الموضوع ، والذي

يشير الي أن هناك فساد بالمحافظة ، ويتزعم الفساد هذا السيد المحافظ !!!!!!!!!!!!!!!!!

ولكن ألا تروا معي بأن كلامكما هذا يعمل علي تزييف وتشويش علي حقيقة شخصية قيادية

كتبتم وقلتم عنه سابقا وشاهدناه في أكثر من موقف بأنه الرجل القدوة، ورجل المواقف ،

والرجل كثير الزيارات الميدانية لكثير من المواقع.والرجل الذي يحاول أن ينهض بالمحافظة

في جميع الخدمات، ،،،،،،،،،،،،،،،،،،الخ

فمن أين تم إستكمال جامعة كفرالشيخ، وتجميل الميادين ، وبناء المدارس والمعاهد ،ورصف الطرق، وتغطية المصارف،

وصرف أجهزة تعويضة لذوي الحاجات الخاصة، ومساعدات للمصابين والمنكوبين،،،،،،،،،الخ

وإن كان ما يفعله السيد المحافظ فساد ، فكيف يمكن مواجهته والتصدي له؟